5

Gingko biloba
Hernaniko Goiz-eguzki parkean aparteko babesa duen zuhaitz bat bizi da, ginkgo bat, Ginkgo biloba. Azken karlistadaren amaian (1875 aldera) Hernaniko Udalak inguru horretako zuhaitzak su-egurretarako moztea agindu omen zuen. Gerora landatutakoa izango da, beraz, ginkgo hau. 1875 eta 1896 artean Donostian paisajista lanetan aritu zen Pierre Ducasse baionesak jarria ez bada, haren eraginez behintzat bai. Besteak beste Aieteko parkea, Gipuzkoa enparantza eta Gladys-enea parkea, Hernaniko honen bikia dirudien ginkgoa duena, berak sortu zituen. Hurrengo gerratean, 1936-1939koan, burdinazko bost eskailera maila baldar iltzatu zizkioten gerritik gora, tala gisa, zaintza lanetara gainera igotzea errazteko. Hor ditu oraindik, ia-ia jan baditu ere. Bi kana eskasekoa, 200 ontzakoa, 4,5 metroko gerri-buelta ederra du eta adaburuak hogei metrotik gora du luze-zabal.

Emea da ale hau eta urtero ez bada ere fruitu ugari ematen du. Nabarmena da uzta, heltzen denean koxkorrak kaka-usain ikaragarria baitu. Kirats hori dela-eta, ia ginkgo arra besterik ez da ikusten oraintxe kale eta parketan.

Azkenak
Futbolari gay-ak zergatik ez dira ausartu azkenean armairutik ateratzera?

Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]


Urdaibaiko Guggenheima konkretatu gabe, Juan Ignacio Vidartek utzi egingo du zuzendari kargua

Urtearen amaieran utziko du ardura postua. Zuzendaritza berritzeko prozesua jarriko dute martxan. Vidartek 32 urte pasatu ditu Bilboko Guggenheim museoko zuzendaritzari lotuta.


Eguneraketa berriak daude