Goxotasuna Portugalgo erara euskal esentziekin
Zura ::Kiribil
Gor
iraupena ::43´56´´
prezioa ::13.50€
“Aro eta hiri eri eta eroetan” bizi gara?
Jakina. Hiri bakoitzak baditu bere tasunak eta keriak, eta bakoitzak bere garaian deskribatu beharra du bere artearen bidez, nik uste.
No mundo dos fugitivos iraultzarako deia al da? Arrain txikiek badakite halako indarra dutela?
Dudarik gabe iraultzarako deia da, baina orokorra gainera. Iraultza txiki bakoitzak ekarriko du iraultza orokorra! Arrain txikiak ekartzen ari dira aldaketa, bai obamalandian baita Euskal Herrian ere.
Zer eman dizu bossak, beste musika estilo batzuk eman ez dizutena?
Gitarra jotzaile naizen aldetik, bossak baditu hamaika trikimailu goxotasuna eta berotasuna transmititzeko, eta honek guztiak liluratuta eduki nau beti. Horrez gain, bossak eman dit bizitzaren sentimendu tropikal bat!
Erbestearen ideia, Sarrik hain ondo deskribatzen duena, zeurea egin al duzu inoiz? Musikaren alorrean ezohiko estiloetan aritu zaren heinean, esan nahi dut.
Musika osotasun bezala ulertzen dut, ez naiz inon ere “erbesteratuta” sentitzen musikan, baina gure familian badakigu zer den erbestea ere.
Martxel Mariskalek dauka zuen zonaldean letragile ospea, baina zu ere poeta txukuna zaitugu...
Oso aspalditik datorkit, baina ezkutuan eramaten dut, kar, kar. Oraintxe animatzen hasia nago zer edo zer argitaratzera.
Leire Lealek ixten du zirkulua? Ez al zen ba, ez hasierarik ez bukaerarik ez daukan espiral edo kiribil bat?
Polita da libre uztea interpretazioa, baina nik erditik kanpora zabaltzen den espiral moduan ulertzen dut diskoa. Hala ere, agian badago zirkulua egitea, diskoa bukatutakoan “repeat” ematen badiozu.
Nola daramazu Zurak izan duen harrera beroa? Entzuleei erreparatzen ez dien sortzaileetakoa zara?
Oso gustura nago, oso kontent harrerarekin eta zuzenean jotzeko gogo handiz. Zirkuluaz ari zinela, nik uste publikoarekin ixten dela zirkulua musikarientzat.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.
Geroxeago baina hemen da. Inguruan dituzten gainontzeko zuhaitzak baino beranduago janzten dira pagoak (Fagus sylvatica). Bizitzeko baldintza “gogorragoak” nahi izaten ditu: toki hezeak eta freskoak. Baina izotzari beldurrak bizi da.
Elkea proiektuan produktu asko eta desberdinak ekoizten ditu David Ruiz de Galarreta Azpilikueta ekoizle amezkoarrak. Olibondoekin hasi zen, baina fruta arbolek, lekaleek eta zekaleek ere beren tokia egin dute proiektuan urteotan. Eta, orain, jarduera berri bat gehitu die... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]