Tekni-Leher

Juan Mari Narbaiza
Zihara Enbeita
I

Urte guztian biharra einda
deskantsu preminan geunden
egun batzuek Eibartik kanpo
oporrak pasau baino lehen.
Etxerakuan autopistatik
ikustian pentsau nuen:
lurrikaran bat edo zeozer
gogorra pasau dok hemen.


II

Eskabadorak bristi ta brasta
ikusi nituanian
nahi ez nebana sinistu bihar
izan neban azkenian
“baina triskantza hau zelan ein da”
nion neure barrenian
gure herrixak euki likixan
lekurik ederrenian.


III

Erixonotik Mendigoitxira
metrotan bide luzia
halako leku polita zan lehen
oin zeharo itsusia.
Galartzetatik begiratuta
nago pentsatzen hasia,
hau ez ete dan gaurko ogixa
eta biharko gosia.


IV

Kitto bertako ortu ta solo,
bedar, kiru eta ota...
Danak apurtu dittue euren
makina zaharrekin jota.
Egixa esan ez daukat ezer
aurrerapenaren kontra
baina ez dabe badaezpada
Aiuntamientua bota.

V

Hango gauzarik onentsuenak
betirako galdu dira,
bestiak-beste, Ama Birjinan
Arraterako bidia.
Sasoi bateko aittitta-amamak
bistaratuko balia
esango zeben: “koño hau ez dok
gure Arrate ballia”.


VI

Kritika asko entzuten dira
batetik eta bestetik,
ia holako txikizinua
zertarako edo zergaittik.
Nik zertarako ez dakit baina
zergaittikan dan badakit:
ointxe dirua dagualako
etika danen gainetik.
VII

Ointxe ez jaku askorik falta
errespetua galtzeko.
Handixak zelan emon ahal daben
txikixa prest dago hartzeko
libertadia izanagaittik
erosi eta saltzeko
ez da egongo eskubiderik
baztarrak hola jartzeko.


VIII

Holako bedar klaserik ez da
oin arte Eibarren erne
santu itxura galantekuak
traje eta uniforme
obrian alde eingo zittuen
mila plano ta informe
baina ikusten dotenarekin
ni neu ez nago konforme.


IX

Bide bat moztu leike edozein
Erromara edo atek
baina ideia ezin dau moztu
ez Obispo ez Alkatek
zer etorkizun izan leikixen
ardura dogu hainbatek
bere lurreri horren maittasun
gitxi detsan herri batek.


X

Bateron batek esangosta: “hik
ez dok ezer entenditzen;
Eibar bajoiak, sosiguz baina,
industri maila haunditzen”.
Egixa esan eskolan be hain
puntarengua ez nintzen
baina mesedez lagaidazue
neure ametsak bizitzen.

Oharra: Eibarko ...eta kitto! Euskara Elkarteak antolatutako San Andres Bertso Paper Lehiaketako sorta irabazlea.

Doinua: "Oi kanta berri"

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude