Izenak
Carlos Santamaria koreografo donostiarrak irabazi du Espainiako Kultura Ministerioak ematen duen Dantza Sari Nazionala. Sorkuntza arloko saria jaso du Santamariak, eta interpretazio arlokoa Javier Baron sevillarrak irabazi du. Dantza klasikoa zabaldu eta kontserbatzeko egindako lanagatik eman diote saria koreografo donostiarrari.
Sagarroi taldeak Mockbatik Moskura birari ekin zion hilaren 12an, Moskun, Errusiako hiriburuan. Hiri horretan hiru kontzertu eskainiko ditu, eta birari Irungo Mosku auzoko Kabigorri Ateneoan emango dio amaiera, larunbat honetan. Bestalde, 2009ko udaberrian disko berria kaleratuko du Sagarroik.
Ortzai Antzerki Laborategiak eta Euskal Antzerki eta Dantza Konpainiak Miren Ponppis obra estreinatuko dute hilaren 22an Gasteizko Araba Aretoan (Dendaraba). Musika eta antzerkia uztartzen dituen ikuskizun berria hilaren 29an eta 30ean ere eskainiko dute areto horretan, eta 26an Murgiako Los Paules ikastetxean.
Fernando Amarika artistaren (Gasteiz, 1866-1956) margolanak daude ikusgai Arabako Arte Ederren museoan.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.