Gasteizko herri mugimenduak badu zer ospatua aurten. Hala Bedi irrati libreak 25 urte bete ditu, eta 20 Gaztetxeak. Hala, urriaren 11n zorion festa erraldoia egingo dute egun osoan zehar hiriko gune desberdinetan: Aihotz eta Buruileria plazetan, Gaztetxean, Landatxon... Haur, gazte eta helduei zuzendutako ekitaldi mordoa izango da: erraldoiak, txalapartariak, zirko ibiltaria, tailerrak, pilota partidak, herri bazkaria, dantza eta antzerki emanaldiak, bertso saioak, kontzertuak eta abar. Egitarau osoa www.txorionak.org webgunean kontsulta dezakezue.