Oinatz Bengoetxea

“Aurtengoa niretzat ere sorpresa izan da”

Sustrai Colina
2008ko irailaren 21a
Oinatz Bengoetxea
Dani Blanco
Autoa plaza erdian utzi eta irribarretsu azaldu da Oinatz. Galderekin hasi eta autoak arrankatuta segitzen duela ohartu naiz. Azken boladan, halatsu omen dabil bera ere. Gelditu gabe.


Leitzarra eta pilotaria, harritzekoa!



Mendi lekuotan beti egon da pilotarako afizioa, eta hirietan besteko aukerarik ez dagoenez… Guretzat pilotan aritzea munduko gauzarik normal eta naturalena izan da beti.


Zuk bazenekien pilotariak primeran bizi zirela!



Bere exijentziak izan arren, gure egunerokoa ez da oso-oso sufritua. Gurea ez da arrauna edo ziklismoa bezain kirol sakrifikatua.


Seguru? Zuenean, txiki eta argalak zereginik ez duela dirudi.



Fisiko indartsu eta orekatua izatea beti izango da garrantzitsua, baina teknikarekin gabezia asko konpondu daiteke. Teknikoki oso ona dena beti aterako da aitzinera, gorputzez eskasa izan arren.


Esadazu zu txikienetakoa izan zarela beti, handiagoen aurka jokatzen zenuela...



Horrek izugarri zailtzen zaitu. Besteek indarraren poderioz lortzen zutena guk bestela lortu behar izaten genuen. Gorputza goizegi hartzea ez da ona, beste dohain asko garatzea eragozten dizu.


Hola ikasi zenuen kontrarioei burua jaten?



Buruarentzat oso desberdina da derrigorrez irabazi behar izatea ala deus galtzekorik ez izatea. Lasai, konfiantzaz, eta galtzeko beldurrik gabe jokatzen duzunean, hobeki jokatzen duzu beti.


Ez esan buruz buruko txapela janztea espero zenuenik!



Egun batean iritsi nintekeela pentsatzen nuen, baina aurtengoa niretzat ere sorpresa izan da. Dena ezin hobeki atera zait.


Txapelaren osteko hilabetea, aldiz...



Igotzen den guztia jaitsi egiten da eta...

Baina txapeldunari ez zaio barkatzen!



Ongi ari zarenean zeruan jartzen bazaituzte normala da gaizki jokatzen hastean kritikatzea. Txapelduna izanda kritikatzea kaltegarriagoa da, baina problema gozoak dira horiek!


Ikusiko duzu hurrengo txapelketan...



Berez lau eta erdikoa buruz burukoa baino egokiagoa da nire ezaugarrietarako. Gauzak ongi ateraz gero zergatik ez?


Sudur puntan jarriz gero, EPEL-ek finala urte-betez atzeratuko duelako!



Araudiak batzuetan aplikatzen dira eta bestetan ez hainbeste. Enpresen interesak guztiaren gainetik daude. Horiek dirua egiteko daude eta...

Enpresak dirua egiteko eta zuek ikuskizuna emateko. Gora pilota!



Txapelketan irabaztea da garrantzitsuena, baina hortik kanpora, joko zozoa eginda irabazteak ez du deusetarako balio. Ikuskizuna eta eraginkortasuna konbinatu behar dira.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2018-10-18 | ARGIA
Presoen auzia konpontzea, egiteke geratu diren lanen artean

Harremanetarako Nazioarteko Taldeak bukatutzat eman du Euskal Herrian zuen egitekoa. Brian Currin abokatuak asteazkenean emandako prentsaurrekoan adierazi du badirela gai batzuk konpontzeke geratu direnak, nabarmenduz "preso politikoen auzia".


2018-10-17 | Gorka Peagarikano
Gutxiengoa dira immigrazioa arazotzat duten EAEko herritarrak

2015ean hasitako joerari jarraiki, immigrazioari buruzko iritzi eta jarrera positiboak sendotu egin dira Araba, Bizkaia eta Gipuzkoako gizartean. Hala berretsi du Ikuspegi Immigrazioaren Euskal Behatokiak aurkeztu duen 2018ko Barometroak.


Osasunbideari ere errieta, euskara egoki ez baloratzeagatiik

Osasunbideko deialdietan, lehiaketaldian 40 puntutik euskarak 4’29 puntu eman beharko lituzke eremu euskaldunean, eta 2’73 puntu eremu mistoan. Baina euskararik jakin gabe ere 39 puntu lortu daitezke, beste merezimendu batzuekin. Beraz, praktikan, ez da betetzen euskarari buruzko foru dekretu berriak dioena.


2018-10-17 | ESK sindikatua
Pobrezia eta gizarte-bazterketaren kontrako 51.000 sinadura

Euskal Herriko Eskubde Sozialen Kartak pobrezia eta gizarte-bazterketaren kontrako herri-ekimen legegilea butzatzeko beharrezkoak diren sinadurak entregatu ditu.


Bardean benetako bonbekin maniobra militarrak eginen dituzte asteazken honetatik aurrera

Urriaren 17tik 19ra eginen ditu Espainiako Armadak maniobrak, beste behin. Tiro Poligonoaren Aurkako Taldeak salatu du "Parke Naturalean gailentzen dela maniobra horiek egiteagatik Armadak ordaintzen duen kanona segurtasuna eta ingurumenaren gainetik".


2018-10-17 | ARGIA
Pinuen gaitzari aurre egiteko oxido kuprosoa erabiltzea oso toxikoa dela salatu dute

Pinuen gaitzari aurre egiteko Jaurlaritzak eta EAEko hiru foru aldundiek aurkeztu duten plana gogor kritikatu du Naturkon kolektiboak, besteak beste gaitzari aurre egiteko erakundeek proposatu duten oxido kuprosoa toxikoa baita: “Azalduko al digute gure ordezkariek nola pentsatu duten ziurtatzea gure ibaiak edo edaten dugun ura ez direla pozoituko gure mendietako 124.000 hektarea fumigatzen badira?”.


2018-10-17 | Iigo Igartua
Manifestazio nazionala deitu dute urriaren 27an Nafarroako gaztetxeen alde indarrak biltzeko

Maravillas, Errotxapea eta Lizarrako gaztetxeen aurkako prozesu judizialak irekita daude eta epe motzean kaleratuak izateko arriskuan daudela ohartarazi dute manifestazioa deitu dutenek.


2018-10-17 | ARGIA
Karlos Apeztegia kartzelaratzeko agindu du Espainiako Auzitegi Nazionalak

Etxerat euskal presoen senide eta lagunen elkarteak Hernanin duen bulegoan egiten du lan Karlos Apeztegiak. Asteartean bertatik atera zenean atxilotu zuen Guardia Zibilak eta asteazken goizean, espetxeratzeko agindua eman du Espainiako Auzitegi Nazionaleko epaileak, "erakunde terroristako kide" izatea leporatuta.


2018-10-17 | ARGIA
Irueko sutea indarkeria matxista kasu bat izan daiteke

Hipotesi hori darabil gertakaria ikertzen diharduen Espainiako Poliziak. Hala bada, ikerketa bere gain hartu zuen instrukzio epaileak Emakumeen aurkako indarkeriaren arloko epaitegira bideratuko du kasua.


2018-10-17 | ARGIA
Eider Rodriguez, Irene Aldasoro eta Kepa Altonaga Euskadi Sarien irabazle

Asteazken honetan jakinarazi dituzte literaturako Euskadi Sarietan falta ziren kategorietako irabazleak: Eider Rodriguezek aurtengo bigarren saria eskuratu du, oraingoan haur eta gazte literaturari eskainitako kategorian, Santa familia liburuari esker.


ASTEKARIA
Azkenak
EGILEA
Eguneraketa berriak daude