Izenak
Gaitzerdi taldeak Otsoko obra aurkeztuko du Tarregako Kale Antzerki Jaialdian (Lleida). Ganso konpainiak, bestalde, Renato antzezlana eramango du, eta Beltz taldeak Gris Mate obra. Horiek dira hilaren 11tik 14ra bitartean egingo den jaialdian izango diren hiru euskal taldeak..
Carmen Mörsch Zuricheko Institute for Art Education (IAE) institutuko zuzendariak eta Elke Zobl-ek –Grrrl Zine Network plataformaren sortzaileak– parte hartuko dute, besteak beste, hilaren 10ean eta 11n Bilboko Rekalde aretoan egingo den Hemen eta orain! Ekintza feministaren molde berriak izeneko zikloan.
Oscar Molina argazkilari eta diseinatzaile espainiarraren irudiz osatutako erakusketa paratu dute Iruñeko Urrobi kaleko Contraluz galerian. Hilaren amaiera arte izango da ikusgai.
Emilio Sagi ren zuzendaritzapean, Bilboko Arriaga Antzokiak Pablo Sorozabal konpositorearen Katiuska zarzuela estreinatuko du irailaren 24an, 26an, 27an eta 29an. Sagik, Emilio Gonzalez del Castillok eta Manuel Martí Alonsok idatzitako jatorrizko libretoa egokitu du. Sobietar Iraultzaren aurreko Ukrainan kokaturiko istorioa kontatzen du, pasioa, zeloak eta traizioa uztartzen dituen istorioa.
Artixten Topaketak ekimenak munduko dantza, musika, antzerki eta bestelako kultur adierazpideak bilduko ditu Hernanin urrian, data oraindik zehaztu ez badute ere. Bigarrenez egingo da eta Urbieta kalean izango du bilgune. Topaketa hauetan edonork parte hartu ahal izango du. Izena eman nahi duenak 675703276 telefonora deitu edo ixa74@hotmail.com helbidera mezua igorri dezake.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.