Adierazpenak
Isabel Diaz Morlan musikologoak Euskonews & Media web gunean: "Donostiako kontserbatorio berria egin dadin amorratzen gaude; oso beharrezkoa da, eta laster ikusiko ahal dugu! Badakit kontserbatorio bat diseinatzea oso korapilatsua dela. Une honetan, zentro ugaritan sakabanatuta gaude, eta horrek izugarri zailtzen du antolaketa, ikasleak bizikletan batetik bestera dabiltza beti, gu ahal bezala moldatzen gara, eta ordutegiak eratzen dituenak gorriak ikusi behar izaten ditu".
Matxalen Garmendia EHUko irakasleak Gaur8 aldizkarian: "Telefono mugikorraren antzeko erabilera egiten dute [gazteek]. Mezuak bidaltzen dizkiote elkarri; musika, jokoak eta halakoak trukatzen dituzte... messengerrarekin ez daukate saldoaren mugarik eta komunikatzeko modu azkarra eta zuzena da. Kaltetu baino, lagunen arteko harremanak indartu egiten ditu messengerrak, etengabe harremanetan egoteko modua eskaintzen baitie (...) Telebistak bezalaxe, Internetek ere denbora tarte hilak betetzen ditu. Hori da bere egiteko nagusia".
Paxkal Indo musikariak txalapartari buruz, Gara egunkarian: "Guk berez askea den musika dugu, nire ustez txalaparta musika bat delako eta ez musika-tresna bat. Idatziz ematen hasi dira eta horrek mugatzen du nolabait. Ahoz aho transmititu izan da, aktibotik aktibora eta, hola jarraituz gero, norberak bere ekarpena gehitu ahalko dio".
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.