Izenak
Gor diskoetxeak Aurtengo Gorakada bildumako 10. diskoa plazaratu du. Bihotz Bakartien Kluba, Kerobia, Lauroba, 121 dB, Ezinean, Vendetta, Hesian eta Lendakaris Muertos taldeen kantak bildu dituzte ale berrian.
Portaloira plataformak antolatuta, presoen oinarrizko eskubideen aldeko Elkartasun Eguna egingo da hilaren 14an Arrasaten. Musikak tarte berezia izango du: arratsalde partean 20 musika taldek beste hainbat tabernatan joko dute eta iluntzean Peter and The Test Tube Babies, Frontkick, Never Surrender eta The 5 Twisters taldeek kontzertua eskainiko dute Monterron parkean.
Urretxuko Gaztetxea 30. urteurrena ospatzen ari da egunotan. Hilaren amaiera arte ekitaldi ugari izango dira: bideo emanaldiak, bertso saioak, umeentzako txotxongiloak, break dance eta skate txapelketak, kontzertuak eta abar. Hot Dogs (hilaren 13an), Lobo Electrico (14an) eta Shimoflow (21ean) taldeek joko dute besteak beste Gipuzkoako gaztetxe horretan.
Ibon Huarte errenteriarrak irabazi du gipuzkoar erako Euskal Herriko Aurresku Txapelketa. 2006an ere nagusi izan zen.
Juan Muñoz eskultorearen obrak izango dira ikusgai Bilboko Guggenheim museoan urriaren 5a arte. Juan Muñoz atzera begirakoa erakusketan Many Times (Askotan) izeneko obra ezaguna ere jaso dute. Bilbon erakusgai jarri aurretik, Londresko Tate Galleryn erakutsi dituzte artelan horiek.
Lindsay Kemp & Companyk Elizabeth I, The Last Dance ikuskizuna estreinatuko du ekainaren 28an eta 29an Donostiako Victoria Eugenia antzokian. Ikuskizun horrek dantza, antzerki musikatua eta opera uztartzen ditu. Lindsay Kemp berak jokatuko du Elizabeth erreginaren rola.
Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]
Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]