Serafin eta natura zikintzen dutenak

  • Taï-Marc Le Thanh ::Zerriak edo paper ziztrin sorta

    Ibaizabal

    orrialdeak ::26

    prezioa ::7.20€

Pilar Iparragirre
2008ko ekainaren 01a
Zerriak edo paper ziztrin sorta
Zerriak edo paper ziztrin sorta
Etxeko gazteenentzat Ibaizabal argitaletxeak plazaratutako Serafin Arkumearen bildumako ipuina da Zerriak edo paper ziztrin sorta. Udaberria hasi da eta zelaietatik osteratxo gozoa egitera doa Serafin Arkumea. Lore ederrak ikusiko ditu, kolore eta usain liluragarrizkoak, eta sorta bat egitea bururatuko zaio. Baina bat-batean paper ziztrin mordoa ikusiko du haien alboan. Berehala ohartuko da halako paperik ez dela soroetan hazten, nork ekarriko ote zituen? Laster aurkituko du erruduna, paperontziak zerbaitetarako daudela ahazturik zakarrak lurrera botatzen ari den zerria. Ez da bakarra, ordea. Zerri hori berehala elkartuko da bere moduko beste batekin. Iji-aja, biak paperak lurrera botatzen hasiko dira. Hori ikusirik, Serafinek erabakia hartuko du: paper guztiak bildu eta zerrien gainera jaurtitzea!
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude