Jon Casenavek aitzin solasa, oharrak eta solas-ondokoak idatzi dizkio Pierre Lhande euskaltzain zuberotarraren Yolanda-ri. 1877an jaio zen idazlea eta egun erabat ahantzirik dagoela dirudi, bere garaian euskaraz lan ugari argitaratu zituen arren. Publikatutako obren artean, hogei Elizako gai eta prediku, hamasei saio, hiru biografia eta bederatzi eleberri daude, besteak beste. Yolanda eleberri historikoa, bere “euskal zikloa” osatzen dutenen artean garrantzitsuena da. Frantsesez idatzi zuen eta gipuzkerara itzuli, ondoren.