Izenak
Aitzol Aramaio zinema zuzendariak apirilaren 30ean estreinatu zuen Un poco de chocolate filma. Unai Elorriaga idazlearen SPrako tranbia eleberrian oinarrituta dagoen pelikulako aktore nagusiak Daniel Brühl, Hector Alterio, Julieta Serrano eta Barbara Goenaga dira.
Bernardo Atxagaren Il libro di mio fratello (Einaundi), Soinujolearen semea (Pamiela) liburuaren itzulpenak, Mondello-Palermo Hiria saria jasoko du maiatzaren 24an. Sari hau Italiako sari garrantzitsuenetako bat da eta atzerriko egile batek idatzitako obra onenari ematen diote.
Teresa Landaluce arkitekto eta argazkilari iruindarrak Nafarroako hiriburuko Contraluz galerian jarri ditu ikusgai bere irudiak. Auto-erretratuak izeneko erakusketa maiatzaren 31 arte izango da zabalik.
Izebene Oñederraren Hezurbeltzak animazio film laburrak soinu banda onenaren saria irabazi du Alemaniako Trickfilm sariketan. Xabier Erkiziak ekoiztu du soinu banda hori. Hezurbeltzak filmak beste hiru sari jaso ditu orain arte: animazioko film laburrik onenarena Medina del Campoko jaialdian, eta Alcine eta Animadrid jaialdietako bi aipamen bereziak.
Nestor Basterretxea artistak (Bermeo, 1924) Euskal Herriko Unibertsitatearen (EHU) Zilarrezko Domina jaso zuen pasa den astean Iñaki Goirizelaia Bizkaiko campuseko errektoreordearen eskutik. Gaur egun Montevideoko (Uruguai) Euskal Zentroak eskatutako obra batean lanean diharduela azaldu zuen Basterretxeak.
Irati Elorrietak (Getxo, 1979) Burbuilak izeneko bere lehenengo eleberria plazaratu du Alberdania argitaletxearekin. Elorrieta Berlinen bizi da eta liburuan kontatzen dituen istorioak ere Alemaniako hiriburuan kokatu ditu.
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]