Osasuna

Generikoak, arrakastarik gabeko botikak

  • Hamar urte igaro dira botika generikoak gure merkatuan komertzializatzen hasi zirenetik. Hala ere, botika horiek ez dira erabat nagusitu Euskal Herrian, ezta gutxiagorik ere. Izan ere, generiko kontsumoa Euskal Autonomia Erkidegoan Espainiako Estatuko batez bestekoaren azpitik dago. Euskal gaixoei agindutako botiken %5,1 da generikoa –hogeitik bat– eta estatuan, berriz, %6,6. Portzentaje hori Europako batez bestekotik are urrutiago dago; Europan iaz agindutako 100 botiketatik 15 baino gehiago generikoak izan ziren.
Jabier Agirre
2008ko apirilaren 27a
Generikoak
Generikoak
Lurralde historikoen arabera, Gipuzkoa dago generiko kontsumoan lehen postuan, iaz, saldu ziren sendagai guztietatik %6,1 era horretakoak izan baitziren; atzetik datoz Araba (%4,2) eta Bizkaia (%4). Euskadiko Farmazialarien Elkarteak (AFAREk) ezagutzera emandako txostenaren arabera, hamar urteotan saldutako generikoek 281 milioi euroko aurrezpena ekarri dute Euskal Autonomia Erkidegora. Horrek EAEk sendagaietan egindako gastuaren zati handi bat orekatuko luke.

Botika generiko gehiago ez saltzearen arrazoi nagusiak bi dira AFAREren ustez. Batetik, konfiantza falta sumatzen dute gaixoengan. Bestetik, marka ospetsu eta aurrez ezaguna denaren eta generikoaren artean lehena hautatzeko joera dute, horretara bultzatzen dituzten informazioa baitute: pro-paganda, marketina, eta abar.

Txostena egiteko milatik gora mediku, botikari eta gaixori galdegin zitzaien, generikoei buruz zuten iritzia. Azterketaren arabera, hamar gaixotatik bederatzi pozik agertzen dira botika generikoekin, hamar botikarietatik seik generikoak gomendatzen dituzte, eta medikuen artean, hamarretik lauk generikoak aukeratzen dituzte gaixoei egiten dizkieten errezeten erdia baino gehiagotan (duela hamar urte %8 besterik ez ziren).

Datu horiek ikusita, nola ulertzen da generiko kontsumoak oraindik ere hain arrakasta apala izatea?
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude