Josep Fontana (1931) Valentzian eta Bartzelonako Unibertsitate Autonomoan Historia Garaikideko irakaslea da, Pompeu Fabra unibertsitatean Historiako Institutuko zuzendari izateaz gain. Europa ispiluaren aurrean lanean europarrek identitate komuna kodifikatzeko dituzten arazoen zergatia azaltzen saiatu da. Europaren historia plurala eta mestizoa dela gogoratu du horretarako. Fontanak dioenez, hasieran greziarrek eta erromatarrek “barbaro”-en tipologia asmatu zuten bezala, egun “besteei” begira antolatua dago Europa. Horren aurrean jakin behar dugu gure arazoak eta mundu azpigaratuenak elkarrekin konpontzea ezinbestekoa dela, bestela europarron zibilizazioa desagertuko litzatekeelako, ingurune aldakorrera egokitzeko gaitasuna galdu duten erkidego guztiak desagertu diren era berean.