Andres Sorelek zuzentzen duen ACE idazleen elkargoak sortutako argitaletxea da Edaf. Etxe horren eskutik plazaratu du Sagarra nobela David Urgull idazle donostiarrak. Narrazioan hamaika pertsonaiari ematen die hitza, 1936ko gerra ondoren sortutako egoera politikoaren nondik norakoak agertuz: Guardia Zibilen balapean hildako mugalariei, Parisko erbestean barruan gertatzen denetik nahiko aldendurik bizi diren Alderdiko buruzagiei, egoera horren aurrean borroka armatuari ekiten dioten Alderdiko gazteei, jarraian gerturatuko zaizkien nerabe sutsuei, haien amei, Meliton Manzanas ordezka dezakeen Cerezo torturatzaileari, ekintzaileen tiroa espero duen politikariari...