Adierazpenak
aurre egingo dieten hedabide independenteak
Itxaso Diez dokumentalistak Aldaketa 16 aldizkarian: "Estereotipo hori ere ez dut gogoko. Hori dioena [artistak gaizki ulertuak daudela] kexati bat da, gehienetan. Egia da askotan ez dutela ulertzen zuk egiten duzuna, baina normala da. Bost urte eman ditugu fakultatean, burua irekitzen eta ikasten. Heziketa luze bat izan duzu eta ezin duzu eskatu jendeak zu berehalakoan ulertzea".
Luis Amezaga idazleak Diario de Noticias de Alavan: "Jende askok idazten du poesia baina inork ez du irakurtzen. Poetak eurak narratibaz elikatzen dira. Poesia oso konplexua da, baina ez dakit eskaintza faltagatik ala banaketa arazoengatik den. Banatzaileak liburu-dendetara poesia eramateko konbentzitzea oso zaila da, liburuak biltokian dituen arren. Liburu-dendek eskatu ezean ez ditu ateratzen, eta interesa duen irakurlerik izan ezean, liburu-dendek ez dituzte eskatzen. Poesia amaieratik kontsumitzen da. Hori ez da narratibarekin gertatzen; hark bere burua eskaintzen du".
Karra Elejalde aktoreak ON aldizkarian: "Antzezteaz gain Año Mariano eta Torapia lanak ere zuzendu ditudan arren, ez da errentagarria eta ez da gehien gustatzen zaidana. Askoz erosoago sentitzen naiz idazten eta antzezten, lanak zuzentzen baino. ‘Karra Elejalde, aktore eta zuzendaria’ esaten dutenean, nik ezetz esaten dut, aktorea bai baina zuzendaria ez".
