Karmelo C. Iribarrenek (Donostia, 1959) ohiko begirada etsi eta maitekorrez egin dio so inguratzen duenari eta bere buruari, bere azken liburuan. Ola de frío du izena poema bilduma berriak eta hirian harantz-honantz ibiliz ikusitakoetatik edota solairu altu baten leihoan jarrita antzeman dezakeenetik atera ditu gogoetarako gaiak. Betirako joandakoak oso barnean ditu, baita nahi baino azkarrago hazten ari zaion alaba ere. Liburuko poemetako batean honela dio: Como el viento que encuentra/ una rendija/ y se cuela en la habitación/ y lo desordena todo/ libros, facturas, poemas/ así llega/ en la vida/ el amor./ Nada es igual a partir de entonces/ ese caos/ es la felicidad./ Pero un día habrá que recoger./ Suerte si no te toca a ti.