Otsailaren 16an Ipar Irlandako Chultúrlann elkartetik Belfast hiriko erdigunera martxa antolatu nahi du POBAL izeneko taldeak gaeliko irlandarraren eta aniztasunaren aldeko ibilaldian. Oraingoz ordea, ez daukate horretarako baimenik. DUP eta UUP alderdi unionistek esan dute martxa Ipar Irlandako kultura britainiarraren kontrakoa dela eta alferrik xahutuko litzatekeela diru publikoa. Antolatzaileen itxaropena da afera Ipar Irlandatik Erresuma Batuko legebiltzarrera igarotzea, han Welsh Language Act (Galesaren Ekitaldia) ontzat eman baitzuten.