“Rock taldeetan emakumeok abeslari edo teklista gara nagusiki”
- Balerdi Balerdi taldean teklatuak jotzen zituen ilehori xarmangarria, egun musika negozioa (?) suspertzen dabil Gor zigiluaren zein Euskal Herriko Diskoetxeen Elkartearen bitartez.
Egun inork ez du diskorik erosten. Zertaz bizi zarete diskoetxeetako profesionalak?
Karitateaz eta gure senideen soldataz, krisialdi puta honek ito gaitu eta babak beste nonbait bilatzera behartu gaitu. Txantxak alboratuz, diskogintzaren inguruan dauden bestelako aferetan sartu behar izan dugu: kontzertuen antolakuntza –joan den Sanferminetako euskal musika programatu genuen–, bestelako zigiluen diskoak edo auto-ekoizpenak merkaturatu, kantuen edizioa, taldeen managementa...
Diskoetxe bakoitzak bere taldeen kontzertuak kontrolatzen ditu orain eta managerrei lana kentzen.
Guk taldea plazaren atariraino ekartzen genuen eta managerrak taldea eskutik hartu eta plazaren erdira eramaten zuen. Orain gu gara taldearen ibilbide osoan gabiltzanok, diskoaren grabaziotik zuzenekoetara. Ez da intrusismoa. Taldeak ezagutzera eraman ditugunok zilegitasun osoz hasi gara orain haien zuzenekoetan parte hartzen.
Balerdi Balerdi, gutxien ezagutu izan den Euskal Herriko talderik onena.
Orain gutxi Pettik halaxe esan zidan. Kultoko taldea omen ginen, beste batzuentzat talde “madarikatua”… Guk, berriz, asmo handirik ez genuen: musika ona testu onek lagunduta maite genuen, gure abilezia mugatuekin ahalegintzen ginen. Eta duintasunez desagertu ginen eszenatik, zalapartarik gabe, dramarik gabe.
Power-pop taldea zineten, baina power-popa ez da Herriaren estiloa.
Aritu ginen urteetan –1992tik 2002ra, gutxi gorabehera– gure estiloa, ezohikoa izateaz gain, oso “biguna” zen. Artean, heavya eta punkia ziren nagusi. Pentsa ezazu zer sentitzen den La Polla edo MCDren aurretik jotzen, publikoak nahi duen gauza bakarra zuk behingoz bukatzea denean.
Horregatik Gor diskoetxean heavy eta punka izan dira nagusi, bestela jai...
Gor-en maite dugun musika grabatzen dugu, baina ez gara kamikazeak, profesionalak baizik. Euskal Herrian jendea oso fidela da punkari eta heavyari. Beraz musika horretan berezitu gara, nahiz oso bestelako estiloak ere hedatu ditugun. Gogoratu bestela Hemendik At! (dance), Numidia (folk) edo Nafarroako Bertsozaleen Elkartearekin egindako lana, eredutik salbu dauden adibide batzuk aipatze aldera. Esan beharra dago gu ere punki samarrak garela, eta makarrak ere bai.
Blondie gertuen ikusi dudan eguna, zu zuzenean ikusi zintudaneko lehena.
Kontxo! Mia Farrow-rekin dudan antza maiz aipatu didate, baina Blondie-rekin lehena dut hau! Oso gustuko dudan musikaria da, bera eta berarekin aritzen den banda. Orokorki, emakume gutxi dago rock munduan, are gutxiago bere gailurrean. Ar estereotipoak dira nagusi eta sekulako sexismoa dago itxuretan. Rock taldeetan emakumeok abeslari edo teklista gara nagusiki. Diskogintzaren barruan promozioan aritzen gara batik bat. Apika geu, emakumeok, “roll” horiekin konformatu gara. n
Guztiok entzun nahi dugu musika: asko, merke, euskaraz eta gaizki sentitu gabe. Baina Spotify utziko badugu Israelen konplize izateagatik, agian beste enpresa eta tresnen inguruan ere hausnartu beharko dugu. Edo gure morala kontratatzen ditugun zerbitzuen arabera neurtzen hasiko... [+]
Joan den astean jakinarazi zuten Basque Culinary Centerren GOe eraikina urriaren 20an inauguratuko dutela, eta horren harira, Kaleratzeak Stop plataformak idatzi bat helarazi du komunikabideetara. Bertan, gaitzetsi egin du Basque Culinary Centerreko eraikin berria 20 hilabetetan... [+]
Hamargarren urtemuga ospatuko du aurten Nafarroako Azoka Ekologikoak. Berrogei postuko azokaz gain mintzaldiak, tailerrak, kontzertuak eta erakusketak izanen dira
"Komunikazioan eta gai publikoetan" lagunduko dio enpresari. Lizitazioak manipulatzeagatik isundu izan dute konpainia, eta lotura zuzenak ditu EAJrekin.
Basaizeak, Baztango Gazte Asanbladak, Baigorriko eta Erratzuko gazteek elkarlanean prestatu dituzte Izpegiko Bestak. Elkartasuna, memoria kolektiboa eta engaiamendu politikoa izanen dituzte ardatz.
Jaizkibel konpainia berdinzaleak Herriko Etxearen eta epaileen deliberoak bete ditu, ez haatik HAOSEk, alarde baztertzailearen antolatzaileek. «Estrategia aldaketa bat» eskatu dio Jaizkibelek auzapezari; ezkerreko ordezkariek «Alardea antolatzeko».
Pedro Sánchez Espainiako presidenteak adierazi du, legez arma-blokeoa ezarrita, presioa eragin nahi dutela Benjamin Netanyahurengan. Sánchezek deitoratu du nazioarteko komunitatearen zati baten “indiferentzia” eta Israelgo Gobernuarenganako... [+]
Astelehen arratsaldean konfiantza mozioa galdu du Frantziako lehen ministro François Bayrouk. Konfiantza mozioa eskatu zuen, datozen lau urteetarako austeritate usaina zuten aurrekontu batzuk aurkeztu eta bere aurkako zentsura mozioa iragarri zuenean eskuin muturrak. Aurrez... [+]
Peronismo klasikoak Buenos Aires probintziako hauteskunde legegileetan botoen %47,2 lortu du. Javier Mileiren La Libertad Avanza hautagaitza 13 puntura geratu da (%33,7). Emaitza esanguratsua da bozka emateko eskubidea duten argentinarren %38 Buenos Aires probintzian biltzen... [+]
Esnatu ala hil. Euskararen oraina eta geroa, diagnostiko baten argitan (Elkar) liburua argitaratu dute Garikoitz Goikoetxeak eta Iñaki Iurrebasok. Egileen helburua da gaur egun euskarak bizi duen egoera ulertzeko tresna bat eskaintzea, “ezinbestekoa delako aurrera... [+]
09:00etan Durangoko epaitegi aurrean biltzera deitu dute Kiñuko kideek. Duela bost urte hasi zen Gaztetxearen aurkako prozesua.
Labaren itzulera ospatzeko festa antolatu dute egun osoan zehar. Broken Brothers Brass Band-en kalejirak Alde Zaharreko kaleak zeharkatu ditu Estafetaraino, ondoren lehiotik kantua izan da Amets Aranguren, Julen Goldarazena Flako, Idoia Tapia eta Oier Zuñigaren eskutik; eta... [+]
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Astelehen goizaldean 23 palestinar gutxienez hil dira Gazako hiriburuan, tartean bi haur gosetearen ondorioz. Igandeaz geroztik gutxienez 50 etxebizitza eraikin eraitsi ditu Israelek, beste 100 kaltetu, eta desplazatuen kanpamenduetako 200 denda suntsitu.