Miren Agur Meabe lekeitiarrak Haur eta Gazte Literaturari dagokion Euskadi Literatur Saria irabazi du, Urtebete itsasargian (Elkar) liburuarekin. Juan Bas bilbotarrak jaso du Gaztelerazko Literaturari dagokion saria, Voracidad (Ediciones B) lanari esker.
Sabin Salaberri musikari aramaioarrari emango dio Eusko Ikaskuntzak Manuel Lekuona saria aurtengoan, “sorkuntza, dibulgazio eta musikaren irakaskuntzan Araban egindako lanagatik.
Eusko Legebiltzarrak Liburutegi Legea onartu du. Alderdi guztiek babestu dute lege berria, EHAK taldeak izan ezik. Euskadiko Liburutegia eratzeko lehen pausua eman du horrela Legebiltzarrak. Euskadiko Liburutegia sortzeko legea aurki aurkeztuko du Eusko Jaurlaritzako Kultura sailak.
Koma talde iruindarrak bere zazpigarren diskoa kaleratu du: Sakeo (Maldito Records). Metal zaporeko hamahiru kanta bildu dituzte lan berrian.
Jesus Olasagasti pintorearen (Donostia, 1907-1955) margolanak jarri dituzte ikusgai Donostiako Kutxa Boulevard aretoan. Erakusketa abenduaren 9a arte izango da zabalik.
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]