Gorritea

  • Datozen bi ilbeheratan lurperatu behar dira baratxuri begiak. Lan horietan aritzen den edonorentzat erein litzatekeena, mizto zorrotzen ahotan landatu esan behar da, ugalketarako hazirik ez baita erabiltzen, landarearen zati bat, begia, baizik. Begiak lurperatzen eta ezin ba ikusi! Baldin eta gero luze jasotzeko bada. Azaroko edo abenduko ilbeheran landatu. Zuria bezala gorria.
Luze baino sekulako jasotako gorriei bueltaka aritu naiz ingurukoekin azken hilabete honetan. Sagardo sagarretaz, fruitu kozkor gorrietan gozatzen diren zuhaiska zakarretaz, udazkeneroko landareen azpikogonen erakusketaz... Aurtengo gorriak ez ditut inoizko inongo artxibotan jasoak, sekulako disko gogorrean.

Sagarretan, beti heltze-bide berde-hori-laru soila egiten duten barietateak –bi urtebiak, urtebetea, txalaka, gezamina...– muxu-gorriak azaldu dira aurtengoan, bateren bat ezezagutze bidean nahasteraino ere...

Hostoak dira, hala ere, aurtengo gorriaren modan pertxentenak; udazkenaren erakusleihoan muturreko galanta hartuta atzera egin beharrean izan dira aurten horizaleak. Kontzertua zuten aurreragoko batean gorrikoteek eki-ekienean eta han ikusi genituen zuhandor harroak, ezpel hilezkorrak, arkakarats amonak, astigar frantses-muturrak, norteko haritz amerikanoak, gereziondo finak, elorri beltz beltzak, lertxun firinak eta sagar makatzak. Inguruetako koxkor gorrien usainak benetakoa zenaren berniza ematen zion hostoen kontzertuari, gurbitz sendoarenak, gorosti tentearenak, zuhandor ahantziarenak, otso-lizar ustetsuarenak, galzoriko hostazuriarenak...

–Zer dela eta ba aurten inoizko gorritea?

–Hozberoa gora behera...

Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude