Energia sortzeko, landareak eredu

  • AEBetako ikerlari-talde batek argitara eman ditu energia iturri berrien inguruko ikerketan lortutako emaitzak; emaitza itxaropentsuak, dirudienez.

    Askotan bezala, naturari behatuz lortu dute aitzakia ikerketa egin ahal izateko. Hain zuzen ere, landareen fotosintesian oinarritu dira, gauza jakina baita landareek eguzki-energia, ura eta karbono dioxidoa hartu eta oxigeno eta karbono hidrato bihurtzen dituztela. Helburua biologian oinarritutako sistema bat antolatzea izan da, metanola edo hidrogenoa sortzeko aukera emango duena, karbono dioxidotik edo uretik abiatuz, eta beti ere eguzki-energia erabiliz.
Fotosintesi naturalean gertatzen den prozesu bera lortzeko, rutenioa duten multzo molekularrak erabili dituzte katalizatzaile modura. Horrela, oxigenoa, protoiak eta neutroiak atera daitezke uretik. Aspalditik erabiltzen da rutenioa katalizatzaile gisa, baina orain lortutako multzo molekularrak aurrekoak baino askoz ere bizi luzeagoa du, eta oso aktiboa eta egonkorra da. Alabaina, oraindik ez da oso ongi ezagutzen rutenioaren katalizatzaile-izaera eta bide horretan ikerketa gehiago egin beharko dira etorkizunean. y

Ozono geruzako zuloa: ez goaz okerrera behintzat


Atal honetan, uda ostean, beti aipatzen dugu joan den mendearen amaieran ikerlariak hainbeste larritu zituen gai bat: ozono geruzaren egoera Hego Poloan.

Jakina da ozonoak izpi ultramoreetatik babesten gaituela, eta hura gabe ezin izango litzatekeela egun ezagutzen dugun bizia garatu. Konposatu fluorokloratuei egotzi zitzaien ozonoa gutxitzearen ardura eta ondorioz hainbat neurri hartu ziren mundu osoan.
Urtebete, bi edo hiru oso gutxi dira horrelako gertakari baten joera azaltzeko, baina badirudi, aurtengo datuak ikusita, arazoa ez dela larriagotu . Ozonoa murriztea iraila eta urria bitartean gertatzen da; beheko grafikoan ikus daitekeenez, murrizketa gertatzen ari bada ere, aurreko urteetakoa baino motelagoa da. Dena den, azaroan edukiko ditugu aurtengo behin-betiko emaitzak.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude