Eraman etxera telebistako lehiaketa
- Tlbstko prgrm gstko dzu? Hau da, telebistako programa gustuko duzu, baina lotsa ematen dizu parte hartzeak? Ez kezkatu, orain badaukazu esamesak, potokumeak, eroglifikoak eta saioko beste probak etxera eramateko aukera. Familia eta lagunekin, erakutsi zein den benetako mihiluzea.
aurre egingo dieten hedabide independenteak
Hizkuntzarekin berarekin jolastuz dibertitzeko modu bikaina da Mihiluze telebista saioa eta jarraitzaileen fideltasuna handia da; telebistan daraman epean arrakasta lortu du euskal ikusleen artean. Konbinazio bikain hori mahai jolas bihurtzeko asmoz, Argia Jolasak-ek eta EiTBk elkarlanean ateratako lehen jokoa da hau.
Zakua bete sari
Bakarka, bikoteka edo taldeka lehiatu daiteke. Taularen hasieran, Brok kamaleoia dagoen lekuan, partaideek peoi bana jarri beharko dute eta probak gaindituz mihian aurrera egitea izango da helburua. Helmugan jartzeko zakutxoa darama jolasak. Eta zer sartu zakutxoan? 500 euroko billetea, gozoki bat, afari baterako txartela, ilerako goma bat… Edozer gauzak balio du, taldekideek aukeratutako oparia izango da sari nagusia.
500 euroko billetea, gozokia nahiz afarirako txartela lortzeko, lehenengo postuan iritsi behar dugu helmugara. Eta ibilbidean aurrera egiteko, hainbat proba gainditu beharko ditugu; zenbat eta erantzun zuzen gehiago eman, azkarrago egingo dugu bidea, lortutako puntu bakoitzarengatik borobil bat aurreratuko baitugu peoia. Gainditu beharreko probak ezagunak dituzu dagoeneko, telebista saioko berdinak baitira.
Probarik proba
Kaxan, minutu bateko iraupena duen hareazko erlojua aurkituko dugu. Erloju horretaz baliatuz, kolore bakoitzari dagokion proba egin beharko dugu. Tribuaren berbak proban, esaterako, gure hiztegia aberastu ahal izango dugu, txontxa, bluia, pintoa edo aletxa bezalako izenak zein definiziorekin lotzen diren asmatuz. Bixkor-bixkor ariketan berriz, azkar asko aritu beharko dugu: Zeintzuk dira erle langileak, arrak ala emeak? Nola deitzen zaio ezpatak erabiltzeko teknika eta kirolari? Jokoan aurrera egiteko horrelako bost galdera asmatu beharko ditugu.
Esamesen atalean, pertsonaia ezkutua asmatzeko sakelako mezuekin dugun trebezia erakutsi behar da: znbt smatzko gai zr? Lauki horian eroriz gero, burua erabili beharko dugu txarteleko irudiak, hizkiak eta elementu desberdinak uztartuz eroglifikoaren esanahia aurkitzeko. Eta bertsoak ere ez dira falta: potorik egin gabe, bertsoa osatu behar da Potokumeak proban, falta diren puntuak asmatuz.
Azkenik, ibilbidearen amaierara iristen den lehen jokalariak Zer da zer? proba gainditu beharko du zakua eskuratzeko. Minutu bateko denboran, zazpi hitzak dagozkien hiru multzotan egoki banatzen dituena izango da txapelduna. Erraldoi, Nobita, Txopinko, Ash, Shizuka, Pikatxo eta Suneo jakingo al zenituzke Doraemon, Pokemon eta Dotakon multzoetan banatzen?
Brok kamaleoiaren tankerako mihia atera eta ekin hizkuntzari ahalik eta zuku gehien ateratzeari. Zakua zurea izango da!
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Donostia, 1960. Fermin Leizaola 16 urteko gazteak San Telmo Museoan zegoen Aranzadi Zientzia Elkarteko idazkaritzara jo zuen, bertako Espeleologia Sailean aritzeko prest.
Ez zen San Telmora egiten zuen lehen bisita izan; 1975eko ekainean Zeruko Argia-rekin... [+]
Maribi Ugarteburuk, EHNE Bizkaiaren enkarguz, herrialdeko hamar emakume baserritarren bizi historiak batu ditu Erein, Borrokatu, Bizi liburuan. Azken mende erdian Hego Euskal Herrian nekazaritzan eta abeltzaintzan izandako gertaerak bizi izan dituzten emakumeak dira protagonista.
Zuzendaritzak aurkeztutako Enplegu-erregulazioko espedientea (EEE) atzera bota eta "irtenbide bat bilatzeko negoziaketak hasteko helburuz", Agurain eta Legasako ArcelorMittal enpresako langileek greba mugagabeari ekingo diote.
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Beethovenen 'Missa Solemnis'
- Taldeak: Bilbao Orkestra Sinfonikoa (zuzendaria: Nuno Coelho), Bilbao Koral Elkartea (Enrique Azurza) eta Iruñeko Orfeoia (Igor Ijurra).
- Bakarlariak: Mira Alkhovik (sopranoa), Nerea Berraondo (mezzoa), Michael Porter (tenorea)... [+]
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Bretainiako adierazpide musikal zein literarioen sustatzaile eta banatzaile nagusia izan da Breizh kooperatiba. Ia zazpi hamarkadetako ibilbidean ehunka egile bretainiarren lanak editatu eta ekoitzi ditu, horietako hainbat bretoieraz.
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Tramite burokratikoetan murgilduta dago Ed Rojas. Kolonbian jaio eta bizi, 2022an Ikasketa Feministak eta Generokoak Masterra egin zuen EHUn. Baina titulua amaitu eta hiru urtera, ez du lortu bere izenean jasotzea. Arrazoia? 2022an ez-bitar markagailua jarri zuen bere... [+]
2009tik 2023ra izandako iktus intzidentziak jaso ditu Nafarroako Osasun Publikoko eta Lan Osasuneko Institutuak. Iktusa izan duten nafarren %84k arrisku faktoreren bat zuen.