Euskalsex Nazioarteko I. Areto Erotikoa antolatuko da Bilbon uztailaren 20tik 22ra. Han eskainiko da euskarara itzulitako lehen film pornografikoa. Ekimenaren helburua Euskal Herriko industria porno-erotikoa ezagutarazi eta artisten arteko harremana sustatzea da eta esparru horretan euskararen erabilera bultzatzea. Zinema porno-erotikoko berrogei aktore inguru hurbilduko dira La Casillara, horien artean Cicciolina aktore eta diputatu ohi italiarra.