Bost urtetik aurrerakoentzako kontakizun honek Toto du protagonista. Nor naiz ni? Horixe da mutikoak amari, arrebari, eta aurrean harrapatzen duen guztiari egiten dion galdera. Poliki-poliki, bere buruaren garrantziaz ohartzen hasten da. Izan ere, besteek esaten diotenaren arabera, bera semea-haurra-neba-lehengusua-biloba-ikaslea eta laguna da. Baita txirrindularia ere. Eta hori gutxi balitz, polizia batek esan dioenez, oinezkoa ere bada; eta autobus gidariak azaldutakoaren arabera, bidaiaria ere bai.