Emakumeak borrokan

Ska doinuak biziberritzen eta aberasten

  • Betagarri ::Hamaika gara

    Oihuka

    iraupena ::54´57´´

    prezioa ::14.45€

Iker Barandiaran @IkerBarandiara
2007ko maiatzaren 13a
'Hamaika gara' diskoa
Talde gasteiztarra ia instituzio bihurtu da euskal musikarien artean. Ska musika oinarri hartuta, horri beste hainbat soinuren aztarnak batu dizkio: rocka, funkya, punka, popa eta beste. Hala, jendetza ugari batzen du Euskal Herrian eta Katalunian egiten dituen kontzertuetan; eta dagoeneko zortzi lan luze kaleratu ditu. Nazioartean ere dezente aritu da, eta aurten Suitza, Alemania eta Hegoamerikako hainbat herrialde bisitatuko ditu. Bederatzi lagunez osatutako familia honek jai giroko musika dantzagarria lantzen du batez ere; hori bai, kantu kritiko eta abertzaleak egiten dizuzte, gizabanakoen eta herrien askatasuna aldarrikatzen dutenak. Euren hizkuntza euskara bada ere, katalanez bi abesti eta gazteleraz bat ere sartu dituzte disko honetan, beste herri horiei keinu eginez.
Betagarri
«Martxoaren 3ko moduko gertakariak gogoratu behar ditugu, eta errudunak salatu»

“Jaiak bai borroka ere bai” 80ko hamarkadako leloaren adibidea zarete. Kritika, kontzientziazioa eta musika dantzagarria, jai girokoa uztartzen dituzue…


Mezu bat zabaltzeko ez du axola musika estiloak: musika alaia, lasaia… Doinu guztiek balio dute. Bestalde, musika dantzagarria oso aproposa da mezua helarazteko.

“Hamaika gara, hamaika pertsona ezagutu eta hamaika lekutan izan gara…”. Zer ikusten duzue atzera eginez gero?


Gauza asko. Beti gogoratzen dugu taldearen hasiera, ilusio handieneko garaia. Gauza txarrak ahaztu egiten ditugu. Japonian, AEBetan eta Alemanian lagunak egitea berezia da.

Haizezko instrumentuek pisu oso nabarmena dute zuen soinuan…


Betagarriren klabeetako bat da. Ez ditugu soinua osatzeko edo konponketak egiteko bakarrik erabiltzen. Haizezko instrumentuek ahotsak bezala euren esaldiak dituzte.

Zergatik zaudete aurtengo liga jokatzeko irrikan? Zer du berezia?


Aurten Txapeldunen Liga jokatzen gabiltza, nazioartean emanaldi asko ditugulako: orain Suitzan eta Alemanian gaude; urrian Hegoamerikara joango gara... Ez dugu nahi lan finkorik; lehenengoa taldea da.

Galdera indiskretu bat: nork irabazi zuen partidua?


Jokalari oso txarrak gara. Ez dugu balio itxurak egiteko. Axubetekin bukatu genuen, orkatila okertuekin...

Goseak ez du aterik jotzen sartzeko, baina gai da dorreak botatzeko?


El Ultimo de la Filak esamolde antzekoa zuen. Irailaren 11n batzuk dorreetatik beren buruaz beste egin zuten. Herrialde askotan, berriz, gosea egunero ateetatik sartzen da eta aurrera egiten dute.

Martxoaren 3ko moduko gertakariek gogortu dizuete bihotza? Zer gehiago behar da jendea sentsibilizatzeko?


Oso biguna da oroimena, oso azkar ahazten ditugu gauzak. Halako gauzak gertatu badira gogoratu behar ditugu, eta horien errudunak salatu. Tamalez, iaz martxoaren 3ko hainbat biktima berriro eraso zituzten.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude