Izenak
Gatillazo musika talde arabarrak Dianas Legales (Maldito Records) bere bigarren diskoa kaleratu du. Evaristok eta enparauek hilaren 21ean hasiko dute aurkezpen bira, Garesen (Nafarroa). Hurrengo kontzertua Oñatin (Gipuzkoa) eskainiko dute, maiatzaren 18an.
Kirmen Uribek Bitartean heldu eskutik (Susa, 2001) liburuaren ingelesezko itzulpena aurkeztu du Manhattanen, New Yorken. Meanwhile Take my Hand liburuko poemak Elizabeth Macklinek itzuli ditu, PEN Klubak emandako beka baten laguntzaz.
Eloisa Montoyak argazkia eta pintura uztartzen dituen Huellas izeneko erakusketa paratu du Gasteizko Ignacio Aldecoa kultur etxean. Paisaiaren eta arkitekturaren ezkutuko alderdien inguruan gogoeta egitera bultzatzen duten obrak maiatzaren 13a arte izango dira ikusgai.
Patxi Basabe zinemagile gasteiztarrak laugarren film laburra estreinatu zuen pasa den astean Artiumeko auditorioan. Le protecteur izeneko hogei minutuko filma Gasteizen grabatu du Basabek. Karra Elejalde, Gorka Aginagalde, Txema Blasco, Juantxo Lopez eta Ramon Barea aritu dira aktore lanetan eta Bingen Mendizabalek jarri dio musika.
Damian Muñoz koreografo gasteiztarrak Virginia Garciarekin batera sortutako Staff ikuskizuna Gasteizko Jesus Ibañez de Matauco Antzokian eta Lasarteko Manuel Lekuona Kultur Etxean izango da ikusgai hilaren 19an eta 27an, hurrenez hurren. Eusko Jaurlaritzak sustatutako III. Dantza Zirkuituaren barruan daude emanaldi horiek.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
37 euskal ikertzailek hartu dute parte asteartean Txiotesia7 lehiaketan. Mastodon eta X/Twitter sare sozialetatik zabaldu zituzten beren ikerketa lanak, euskaraz.
Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.
28 urteko Netiporn Sanesangkhom preso politiko thailandiarra hil da asteartean, gose greban 110. egunbete dituenean. Urtarrilean atxilotu zuten eta epaiketarik gabe zeukaten gatibu. Monarkiaren aurkako irainak egin izana egotzi zioten, 2020an eginiko protesta batean parte... [+]
