Maukera
- Lepatua edo ez, geure aldamenean den zuhaitzak ez du, jeneralean, etorkizun oparoaren itxaropenari eusteko aukera handirik. Elorrio du, alegia, izan edozein dela ere. Edozein ez eta nor bada ere bai.
Amsterdango Keizersgracht kaleko 188.aren atzeko barlan indigaztaina (Aesculus hippocastanum) ikaragarria bizi da. Ehun eta hirurogeita hamarren bat urte omen ditu. Anne Frankek, naziengandik ihesi, autokartzelako zirrikitutik indigaztaina hauxe zuhaitz ospetsuen zerrendara ekarri zuen. Laster lurra kentzekoa omen diote; onddo eta sits koadrila baten erasoa, bera epaitu eta jo eta eraisteko aitzakia. Anneren eta ez zuhaitz zaharraren historiak jarrai dezan honen klon bat aldatzeko asmoa dute. Egurraren %40 usteldua omen du; arrazoi beraz makina bat garuni erretreta eman beharko genioke…
Ondo nor izanagatik Lizardiren fagadiko edo Emeterio Arreseren loretiko edo Salbatore Mitxelenaren paradisuko eme jaupazaleen errezoek ere ez dituzte salbatuko.
Arratsean, euripeko paseoan, San Esteban ermita baten aldameneko Elizondo baserrian, harresitxo baten babesean landare muintegi dotorea topatu dut. Intxaurrondoren bat, sagarrondo (Malus x domestica) franko. Lehengo urtean txertatu eta itsatsitakoak, norabait eraman eta behin betiko bizilekuan aldatzeko zain, batzuk eta amaitu berria den ilbeheran txertatutako ugari. Hauen artean bik adar arraro bana. Inguratu eta txertoan erantsitako mentuen artean gurutzeak eginda dauzkate. Jaungoikoak baino sestratzailearen trebeziak eta fedeak gehiago lagunduko diote bai arbola hauei. Sortu berri dituen artistarentzako izango dira bai nor, edozeinentzako landare sastar besterik ez diren sagarrondo berri hauek. Ala danbolin-sagarrarenak ote dira mentuak?
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]