2005ean egindako Ricardo Alberdi Jardunaldi Sozialaren baitan Laikotasuna gaurko gizartean gaiaren inguruan entzun ahal izan ziren hiru gogoeta eskaintzen ditu Idatz argitalpenak, Donostiako Elizbarrutiko Justizia eta Bakea Idazkaritza Sozialaren eskutik. Aurrenekoa Deustuko Unibertsitatean irakasle lanetan diharduen Gaspar Martínezena da eta Laikotasuna, sustrai modernoak eta zenbait plasmazio sozio-kultural dauka izenburutzat. Bigarrena Javier Lezaun gaztearena da. London School of Economics-en Arrisku eta Erregulazio Azterketa Guneko gizarte-ikertzailea da Lezaun eta testuinguru anglosaxoiean laikotasuna ulertzen den eraz mintzo da. Azkenik, Donostiako gotzain emeritu Jose Maria Setienek, erronka etikotzat hartzen du laikotasuna.