Izenak
Fermin Muguruzak Talka Tour bira hasiko du apirilean, musikari kubatarrekin eta jamaikarrekin osatu duen Fermin Muguruza & Afro-Basque Fire Brigade taldearekin. Biraren lehen txanpan hiru kontzertu eskainiko ditu Euskal Herrian: apirilaren 20an Durangon, 21ean Donibane Garazin eta 30ean Iruñean.
Jose Iriarte Bikilak hainbat bidaia egin ditu Saharara. Tindufeko errefuxiatu kanpamenduak ezagutu ditu eta, gainera, hango maratoian parte hartu du. Orain, maratoia aitzakia moduan hartuta, Saharan izandako bizipenak eta burutazioak Riag Entinak (Elkartasuna basamortuan) liburuan kontatu ditu idazle errenteriarrak.
Thomas Pierreren Représentations du monde basque et rapport á la culture en Iparralde au début de XXIeme proiektuak irabazi du Joxe Migel Barandiaran Fundazioak ematen duen ikerketa beka. Etnografia eta arkeologia alorreko lanak sustatzen dituen bekara hamaika lan aurkeztu dituzte aurten.
Mikel Begoñak eta Ricardo Sendrak Matxitxakoko gudari buruzko Berunezko Itsasoa komikia kaleratu dute. Lanaren euskarazko eta gaztelerazko bertsioak argitaratu dituzte horretarako propio sortutako Gure Erroak zigiluarekin..
Ander Gilleneak Sahararrak. Herri bat erbestean argazki erakusketa paratu du Tolosako Aranburu jauregian. Aljeriako errefuxiatu kanpamenduetan hartutako irudiak biltzen dituen erakusketa apirilaren 14ra bitartean izango da ikusgai.
La Fundición Bilboko aretoak joera eszeniko berrien Max sari berezia jasoko du. Bilbon apirilaren 16an egingo den X. Max Sarien ekitaldian jasoko dute saria La Fundición aretoko ordezkariek.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.