Galtzagorri Elkarteak eta Gipuzkoako Foru Aldundiak antolatutako Idazle Gaztea literatur lehiaketara aurkeztutako 170 lanetatik 33 (20 narrazio eta 13 poema) aukeratu ditu Galtzagorri Elkarteko hautaketa batzordeak. Gipuzkoako DBHko hainbat ikastetxetako gazteek idatzitako lan horiek www.idazlegaztea.org web gunean jarri dituzte irakurgai, nahi duen orok gustukoenak aukeratu ditzan. Internautek maiatzaren 15a bitartean eman dezakete euren botoa eta irabazleen izenak ekainean ezagutaraziko dituzte.