Liburutegia


2007ko otsailaren 18an
Jotakie. Urolan pop
Xabi Borda
Haria
154 orrialde
12 euro

Jotakie taldearen pop-rock estiloaz

Azkoitiko eta Azpeitiko rockaren jatorria bilatzen hasteko asmoari jarraituz osatu du Xabi Bordak Jotakie. Urolan pop izenburuko liburua. 1981eko ekainaren amaieran Makokik, Lukak, Pellok, Pattakiek eta Elortxak Jotakie izenarekin jendaurrean beren aurreneko kontzertua eman zutenetik, 1990eko irailaren 14an, Bergaran, eskainitako azkeneko emanaldian musika munduari agur esan zioten arte doa kontakizuna. Denbora horretan, Fran Iturbe gitarristaren laguntza ere izan zuten. Estiloari dagokionean, Euskal Herriko beste talde garaikideetatik bereiztu eta pop-rock musika lantzeari heldu zion Jotakiek. Emaitza, han-hemen eskainitako emanaldi mordoa eta entzuleek hainbeste eskertu zituzten lauzpabost diskoak.

Iruñeko Udalaren literatur lehiaketak. Saritutako lanak
Batzuen artean
Iruñeko Udala
174 orrialde


Gazteen narrazio labur, olerki, bertso-paper eta antzerki lanak

Duela gutxi kaleratu da Iruñeko Udalak 2005. urtean antolatutako Artista Gazteak lehiaketako sari guztien bilduma. Lehiaketa horrek hainbat atal ditu. Batetik, egile berriei zuzendutakoa dago, eta hor Igor Arroyo Leatxeren Gauguinek ero zegoela amestu zuen eguna narrazioak, Alazne Juaniz Ezpeletaren Graffittien berba olerkiak eta Jon Berberenaren Europa aldetik dator Thaimiren gutuna bertso-paperak jaso zuten lehen saria. Bestetik, haurrentzako antzerki testuen lehiaketa dago, zeinean Juantzo Urdirotzen Bakeroak nekez erortzen dira muturrez aurrera lanak irabazi zuen. Eta Iruñeko gazteentzako lehiaketa ere bada, Ander Perezen Iraultza kea narrazioak eta Lander Majueloren Goizaldean olerkiak irabazi zutena.

Judy Moody. Lurraren salbatzailea
Megan MacDonald, Peter H. Reynolds
Gero
174 orrialde
6 euro


Neska aparta baten abenturak

Lurdes Auzmendik eta Koldo Bigurik euskaratu dituzte Gero argitaletxeak plazaratu dituen Judy Moody neskatoaren gorabeherekin osatutako bildumako ale guztiak. Megan McDonald idazle estatubatuarrak sortutako pertsonaia da Judy Moody, eta harekin batera liburuz liburu Peter H. Reynoldsen marrazkietan agertzen diren beste pertsonaia guztiak. Nor izateko asmo sendoa du neskatilak, eta gauzak berak nahi bezala ateratzen ez zaizkionean oso umore txarrean jartzen da. Baina laster alboratu behar izaten du jarrera hori, inguruko guztiek ondotxo ezagutzen dutelako, eta agertzen duen kopeta beltzari kasu eskasa egiten diotelako. Lurraren salbatzailea atalean, mundua denontzako leku garbiagoa izan dadin ahaleginduko da gure neskatoa.

Egan
Batzuen artean
Euskalerriaren Adiskideen Elkartea
230 orrialde
18 euro


Zubimendi, Jose Artetxeri buruz

Euskalerriaren Adiskideen Elkarteko buletinaren Egan euskarazko gehigarriaren azkeneko alean Artetxe, begiramenez lana kaleratu du Jose Ramon Zubimendik, azpeitiarrak euskalgintzan egindako lanari darion argi iraunkorra azpimarratuz. Bestalde, Patxi Ezkiagak Don Kijote Mantxako eta pedagogia eskaini du; Xabier Etxaniz Erlek Bernardo Atxagaren Soinujolearen semearen inguruan idatzi du; Asier Barandiaranek Ameriketako Estatu Batuetako lau bertsolarien bertsogintza aztertu du oraingoan, eta Felix Gerenabarrena Artamendik Mitoa, literatura eta semiosferak ditu hizpide. Gainera, sorkuntzari ere egin diote tarterik alean, Gariren Luzea naiz eta Luis Mari Mujikaren Bariazio berriak poemak argitaratuz. Azkenik Iñaki Zubeldiak haur-liburutegiek daukaten garrantzia nabarmendu du bere idazlanean.

El actor creativo. La actriz creativa...
Jesus Jara, Alfredo Mantoani
Artezblai
286 orrialde
14 euro


Antzezleak bere sormena lantzeko eskuliburua

Antzerkiaren munduan eskarmentu handiko pertsonak dira Jesus Jara eta Alfredo Mantovani. Mundu horretan antzezle eta pedagogo gisa ikasi dutena beraiek bezalako antzerki zaletasuna duen orori eskaini nahi izan diote elkarren artean osatutako El actor creativo. La actriz creativa. Manual para conseguirlo lanean. Antzezle sortzailea izateko asmo sendoa duen guztiari zuzendutako lana da. Bai oraindik taula gainean jartzeko aukera izan ez duenari, baita urteak horretan eman izanagatik beti ikasteko zer edo zer dagoela pentsatzen duenari. Antzezlanen bat zuzentzeko asmotan dabilenarentzako ere baliagarria da argitaratu berri den liburu hau.

Nire herriak...
Ana Urkiza
Elkar
48 orrialde
7,25 euro


Ostadarraren koloreak dituen herriko neska-mutikoen bihotza

Hauxe da Ana Urkizak sortu eta Jokin Mitxelenak marraztutako kontakizunaren izenburua: Nire herriak ostadarraren koloreak ditu. Leku batean jaio baina beste batean bizi den pertsonari inoiz, edo behin baino gehiagotan gertatzen zaion arazoaz mintzo da: bere bihotzak nongoa dela sentitzen du bene-benetan? Badira munduan leku bakar bat baino maite ez dutenak. Badira alditan hemengoak eta bestetan hangoak sentitzen direnak. Eta are, munduko edozein bazterretan bertako direla uste dutenak ere.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude