Dabid Ibarra - Harrobi: «Diskoa abesti multzoka grabatu genuen diskoetxerik ez genuelako»


2007ko otsailaren 04an
Promozio orriak dio Ingalaterrako popa egiten duzuela. Nik ez nuke horretara mugatuko...
Zaila da etiketak jartzea. Ingalaterrako pop-rocka eta rock klasikoa gustuko ditut, eta handik hartzen ditut ahotsen melodiak. Popa eta rocka lantzen ditugu zentzu zabalean. Adibidez, hitzek ukitu gerreroagoa dute, ez ditut pop kantu melosoak atsegin.

Ukitu jazzeroak, gitarra funkyak... antzeman daitezke.
Horretan zeresana dute diskoa grabatzen lagun izan ditugun musikariek. Adibidez, Carlos Velasco Iñaki taldekidearen gitarra maisua da, eta jazza, funkya... denetik jotzen du. Askatasun osoa eman diogu.

Taldea berez hiru lagunek osatzen duzue?
Bai, kantu ia guztiak Iñakik eta biok idazten ditugu. Urteak eman ditugu tabernetan akustikoak egiten. Instrumentu gehiago sartzea bururatu eta Bihotz batu zitzaigun ahotsean.

Eta diskoa zatika grabatu zenuten?
Bai. Musikariak lortu eta bi kantu grabatu genituen. Handik denbora batera beste lau; eta azkenik, diskoetxeak interesatu zirenenan, beste sei.

Eta zuzenean musikari gehiago dituzue alboan?
Bai, iaz Iñigo Telletxea, Iban Zugarramurdi eta Ruben Caballero aritu ziren, sekulako musikariak. Baina aurten aldatu ditugu, konpromiso asko dituztelako.

Talde finkoa osatu nahi al duzue?
Bai, kide finkoak lortu eta taldean gehiago sartzea da asmoa. Baina Iñakik eta biok konposatzen jarraituko dugu. Intimitatean Iñakik gitarra jo ahala nik melodiak ateratzen ditut. Oso eragin desberdinak ditugu. Nik klasikoak maite ditut (Doors, Animals...); eta berak talde berriagoak.

BabelMusik diskoetxea Gazteok promotoratik jaio da.
Bai. Bitxia da promotorak diskoetxe bihurtzea, baina azalpena du. Diskoetxeak kolokan dauden arren, taldeak zuzenerako deitzen dituzte, baina taldeek aurkezpen txartela den diskoa behar dute. Hortaz, promotora batzuek hutsune hori betetzen dute.

Moai Harrobi
BabelMusik
Iraupena: 42'56''
13,46 euro


Funky, jazz eta folkez jantzitako pop-rock irekia

Arratiako proiektu honen arima Impresentables taldean aritutako Dabid Ibarra da. Aspaldian Iñaki Akesolorekin Bizkaiko tabernetan kontzertu akustikoak ematen aritu da eta ondoren Bihotz Gorospe kantagintzaren gazte promesa batu zaie. Popa eta rocka egiten dute, askotan iraganera begiratzen duena eta eragin desberdinei irekia dagoena. Luxuzko musikarien laguntzarekin, kantuak jazz, funky eta herrikoiagoak diren zipriztinekin busti dituzte, eta ahots leunak erabilita emaitza asko gozotu dute. Bada baita blues izpiritu, heavy arrasto eta folk ukiturik ere. Hitzetan Euskal Herriari, norberaren askatasunari, historia nahita nahasten dutenei eta desagertzeko zorian dauden herriei abesten diete. Horrez gain, Akelarre taldeko Juanma Labandibarrek oparitutako bi kantu ere grabatu dituzte, orain arte argitaratu gabeak.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude