Liburutegia


2021eko uztailaren 27an
Marearen erraietan
Jose Inazio Basterretxea Polo
Alberdania
168 orrialde

«Zendu zuten» gizonaren egunak

Jose Inazio Basterretxea Polok arrakasta lortu zuen aurreneko nobela laburrarekin, Falo zantarra (1988). Baina Joane Barolo izengoitiarekin izenpetua zegoenez, inork gutxik jakin zuen bere benetako egilea nor zen. Orain Marearen erraietan plazaratu berri du, gai gordin samar baten gainean osatutako nobela: osasuntsuen mundutik erauzi eta gaixoen mundura bota duten pertsonaren sentimenduak agertzen dituen eleberria baita. Garaia baino lehen «zenduta» izan den gizona ez da, hala ere, eleberriko pertsonaia nagusi bakarra. Hiru emakumek izango dute gizon horri gertatutako ezbeharraren eragina. Bere amak, batetik; garai batean bere emazte izan zenak, bestetik; eta jada gaixo dagoenean gertutik ezagutuko duen hirugarren batek.

Bat. Soziolinguistika aldizkaria
Batzuen artean
Soziolinguistika Klusterra
202 orrialde
10 euro


Unibertsitate aurreko hizkuntza ereduak hizpide

Soziolinguistika Klusterrak plazaratzen duen hizkuntza normalkuntza eta glotopolitika aldizkariak egin berri duen dosierrean Unibertsitate aurreko hizkuntza ereduen balorazioa eta proposamenak jasotzen dira. Euskal Herriak bere osotasunean dituen ikasketa errealitate ezberdinak hartu dituzte aztergai -labur esanda, Euskal Autonomia Erkidegoan, Nafarroa Garaian eta Iparraldean euskararen eta euskarazko irakaskuntzaren eskaintzaren egoera nolakoa den- eta Josep Vallcorbaren Katalanaren irakaskuntza Katalunian lana gehitu diote. Dosierrean ukitzen diren gaien artean, hauexek daude: hizkuntza ereduen diseinua, irakaskuntza euskalduntzeko proposamenak, ereduen egoeraren balorazioa eta hizkuntza ereduak aurrera begira.

Donostia.
Ehun paisaia
Jorge Moreno
Sua
128 orrialde 18,50 euro


Donostiaren 100 aurpegi

Donostiak betitik dituen edertasunak ezagunak dira, baina hiriak aldaketa ugari izan ditu urte batzuetatik hona, eta ohiko irudiez gain, beste horiek guztiak islatzen ahalegindu da Jorge Moreno argazkilaria Sua argitaletxearen eskutik kaleratu duen Donostia. Ehun paisaia liburuan. Haizearen orrazia, Ondarretako hondartza, La Perla bainu etxea, Gipuzkoako plazan dauden terrazetatik bat, Frantziako pasealekua, Udaletxea, haurrak jolasten ikusten diren Trinitate plazako frontoia, Zurriolako surf giroa, Bretxako merkatua, Polloeko tunelak, Kursaaleko auditoriuma eta Batzar jauregia, Altza auzoko etxe «erlauntza» horietako bat, antzeko eraikuntza baina Atotxa auzoan, Arbideko dorreak Miramonen, Igeldoko funikularra, Anoetako estadioa, Boulevarda, abesbatza Alde Zaharrean, Uliako itsaslabarrak...

Lauburu. Pirinioetako kontakizunak
Batzuen artean
Euskal Idazleen Elkartea, Nabarra
122 orrialde

Xareta bailarak ernarazitakoak

Euskal idazleen eta idazle katalanen arteko topaketa baten ondorioa da Lauburu. Pirinioetako kontakizunak. Xaretako bailaran gertatu zen, 2005eko ekainean. Eta Tere Irastortzak Topikoetatik ihes, eta elkarrekin topo idazlanean gogoratzen duen bezala, Xareta bailaran bildutako herri bakoitzak orri ezabaezinak ditu euskal literaturaren liburuan: Sarako Eskola osatu zutenenak, besteak beste. Dena den, oraingo askoren ustea omen da ezin dela literatura modernorik egin Euskal Herrian bertan. Bada, oker daudela erakusten dute Xaretan barrena egindako ibilaldietan inspiratu diren hamar ipuinok. Gaurko eta atzoko tokiak, pertsonaiak eta garaiak lotu eta askatu daitezkeela ipuinetan, iraganarekin eta etorkizunarekin topo eginez. Istorio gehienak, idazle katalanek burutuak izan dira, eta euskaratuak Joxan Elosegi eta beste itzultzaileei esker.

Un extraño envío
Julia Otxoa
Menoscuarto
164 orrialde
13 euro

Julia Otxoaren azken ipuin bilduma

Menoscuarto argitaletxeak aurkeztutako Un extraño envío izenburuko liburuan, Julia Otxoa idazle donostiarraren azken ipuin bilduma eskaintzen da. Berrogeita hamabost istorio agertzen dira bertan, batzuk labur-laburrak, luzexeagoak besteak. Edozein hiritan suerta daitezkeen gertakizunak kontatzen dizkigute, gertakizun horiek inon oso ohiko ez badira ere. Adibidez, ipuin bildumari titulua ematen dion kontakizunean, emakume batek urrun duen gizonari idatzitako gutunak irakur daitezke, erabat asaldaturik utzi duen gertakizuna azalduz: argitaletxe berri batek liburu susmagarri bat bidali dio, eta ondorioz etxetik irten ezinik gelditu da; are, etxe barruan beste norbait dagoela uste du.

Pirata (3)
José A. Lopetegi
Saure
64 orrialde/ 18,50 euro


Ongi marrazten irakasten duen Pirata saileko komikia

José A. Lopetegiren gidoia eta marrazkiak dituen Piratarekin ongi marraztu? Behin hasi eta gero jarraitu! izenburuko komikian, marrazkilaritzan trebe izateko egin behar diren -eta sekula egin behar ez diren- guztiak irakasten dizkie komikiko artistak Pirata eta bere lagun minari. Eroso marrazteko behar den lan egiteko tokia, esertzeko jarrera onena, paper eta lapitza motarik egokienak, nola koloreztatu, aurpegiak edo giza gorputzaren anatomia marrazteko erak, perspektiba zer den eta beste hamaika trikimailu interesgarri.


Azkenak
Nazio Batuen Erakundeko 193 kide hil ditu Israelek urritik, inoizko gehien

Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]


Dozenaka senideko familia ugari desagerrarazi dituzte sionistek

Gutxienez 60 familiak galdu dituzte 25 kide baino gehiago, Associated Press agentziaren ikerketa baten arabera. “Inoiz ikusi gabeko mailan” ari dira sionistak familia osoak hiltzen.


“Bilboko eskola-inguru asko kutsaduraz eta zarataz betetako eremuak dira”

Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]


Nafarroako Gobernuak 2005-2011 aldian torturatutako herritarrak onartu ditu biktima gisa

Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]


Eguneraketa berriak daude