Taldeko batek Saharako haur bat ekartzen du udaro eta horrek sentsibilizatu gintuen. Zestoako Wadna elkartekoei galdetu genien zer premia zeuden, eta esan ziguten Saharako emakume elkarteak diru premia handia duela. Hortaz, abestiak prestatu eta diskoa grabatu genuen.

1968an rocka gauza berria zen eta guk hippy itxura genuen. Gaur egun, berriz, rocka gauza arrunta da. Bestetik, teknologia asko garatu da: instrumentuak, soinu bereziak lortzeko gailuak… Hala ere, guk gure sasoiko musika nahiago dugu.

Bai. Hiru helburu genituen: Sahararen alde egitea; frankismoan euskarari eman ezin genion bultzada orain ematea; eta musika talde horiek ezagutzera ematea.

Alderantziz. Haiek gabe ezingo genuke egin. Gutakoen bi seme asko inplikatu dira grabazioan eta masterizazioan. Eta semeetako batzuek musika taldeak dituzte.

Bai, kantu horiek berriro jotzerakoan nostalgiak eta zirrarak hartu gaitu. Kantu horiekin identifikatzen gara oraindik. Bestalde, iraganean ez genuen grabatzeko aukerarik izan, eta guretzat hori gauza berria izan da.

Gogorra. Bakarren batzuk ezkontzatan aritzen dira, baina gainontzekook herdoilak jota geunden eta ia zerotik hasi ginen. Baina oso pozgarria izan zen.

Ez horixe. Diskoa kaleratu dugunez, uda bitartean emanaldi batzuk egingo ditugu, eta jasotako diru guztia Saharara bidaliko dugu.

-------------------------------------------------------------------------------

Lan honen helburu nagusia da Saharako emakumeei elkartasuna ematea (hortik Sa-Em-El izena), eta Leok'k 1968an Zestoan sortutako taldea da. Ingalaterrako eta AEBetako rockaren bost zaletuk taldea abiarazi zuten hemen halakorik entzuten ez zenean, 1972an taldea desegin zen arte. 20 urte beranduago, kontzerturen bat eman zuten eta 2000ren bueltan Sahararen alde egitea erabaki zuten. Horretarako, beraien erreferentzia diren hamahiru bertsio (Rolling, Doors, Purple, Clapton, Zeppelin, Dylan, Santana, Beatles…) eta kanta propio bat prestatu eta estrainekoz "grabazio estudioan" sartu dira. Are gehiago, frankismoaren jazarpenetik aske, kantak euskarara egokitu dituzte aspaldiko zorra kitatuz. Elkartasun helburu baterako indarrak batu dituzten beteranoek iraganera begira jarri gaituzte.