Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko apirilaren 24an
Liburutegia
Askatasunaren bidea
Juan Carlos Jiménez de Aberásturi
Hernaniko Udala
151 orri / 8 euro
Juan Carlos Jiménez de Aberásturi
Hernaniko Udala
151 orri / 8 euro
Nazien aurka egin zuten mugalariak
Zientzia eta natura: hogeita sei istorio Poincaré Zientzia Taldea Gaiak
325 orrialde / 21 euro
Numantzia. Ilunabarreko izarra
Angel Benito Gastañaga
Saure
66 orrialde 18 euro
Euskal Herria Batzuen artean Sua
130 orrialde
5,15 euro
Matxinsaltoen belarriak Unai Elorriaga
Elkar
128 orrialde
9,50 euro
El ejecutivo
Enrique Arias Vega
Ediciones Beta
144 orrialde / 12,50 euro
Ategua literatur lehiaketako azkenengo nobela saria
Enrique Arias Vegak idatzitako El ejecutivo-k irabazi zuen iaz Ategua nobela lehiaketa. Protagonista, Miguel Angel Astiz du, 59 urterekin zeukan guztia galdu duen gizona: lanpostua, emaztea, alaba, etxea, ordura arteko lagunak galdu ditu. Mixeria gorrian, hiriz ere aldatzea erabaki du, Bartzelona utzi eta Madrilera joatea. Besteek zaborretara botatzen dutenen artean eskuratzen duenetik bizi da. Baina lagunak egingo ditu, eta eginahalaren eginahalaz, garai batean zuen lanpostua berreskuratuko du.
Juan Carlos Jiménez de Aberásturik Comète sarean parte hartu zuten euskal mugalarien oroimenez idatzitako liburuaren izenburu zehatza Askatasunaren bidea. Florentino Goikoetxea eta beste hernaniar batzuk nazismoaren aurkako borrokan Bigarren Mundu Gerran da. Nazien aurkako erresistentzia-taldeak Belgika okupatuan antolatu zirenean, talde horietako batean aritzen zen Andrée de Jongh izeneko neska gazte bat, klandestinitatean Dédée bezala ezagutuko zena. Neska hori Donibane Lohizuneko kontrabando-giroko jendearengana hurbildu zen. Han ezagutu zituen Tomas Anabitarte hernaniarra eta beste batzuk. Askatasunaren bidea liburuan Comète sareak Euskal Herrian izan zuen eragina aztertzen da, bertan parte hartzaileen borrokaren berri emateko.
Zientzia eta natura: hogeita sei istorio Poincaré Zientzia Taldea Gaiak
325 orrialde / 21 euro
Zientzia eta natura ardatz dituzten 26 kontakizun
Poincaré Zientzia Taldeak Gaiak argitaletxeak kaleratutako Zientzia eta natura: hogeita sei istorio izenburuko liburuan kontatzen dituen gaiak erabat autonomoak dira. Besteak beste, nukleo atomikoen forma bitxiak; zakurraren jatorria eta bilakaera; Txinako momien enigma; Carlos Castaneda eta xamanismoa; Ramses II.a faraoia ea tuberkulosiak jota hil zen edo ez; mendikateen sorrera; arrainak oinez hasi ei zirenekoa; petrolioaz jakin behar dena; sukaldeko gatzaren sekretuak; hondar-aleen portaeraren erradiografia; denboraren historia eta paradoxa; denbora lehen euskaldunen ilargi-egutegian; maitasun-errituak munduan zehar; erraldoien galtzada; Pazko uhartearen azken egunak; eta neurozientziako iraultza.
Numantzia. Ilunabarreko izarra
Angel Benito Gastañaga
Saure
66 orrialde 18 euro
Numantziarren erresistentzia
Numantziako arkeologia egitasmoaren zuzendaria den Alfredo Jimeno Martinezen hitzaurrearekin dator Angel Benito Gastañagak Numantziako historiaren gainean egin duen komiki eder hau. Zeltiberiarrek Erromako inperioarekin zituzten gerren narrazioari loturik dago komikian kontatzen dena, K. a. 153. urtean hasi zirenetik, K. a. 133. urtean Numantziaren azkena gertatu zen arte. Izan ere, erromatarrek Numantziarekin egin zutena epaitzeko orduan, ez da suntsiketa hitza erabili behar, marrazki zoragarriekin osatutako komiki honen egilearentzat behintzat; inperialistek Numantzia ez zutelako suntsitu; Numantziaren azken egun hura, berez, lehenengo eguna izan zelako, justizia eta askatasuna maite duten herriak izan bitez herri. Numantziak bizirik irauten du hil eta gero ere, legendan eta eternitatean.
Euskal Herria Batzuen artean Sua
130 orrialde
5,15 euro
Udazkenerako ibilbideak
Zorionez, oraindik ez zaio Euskal Herriari basorik falta. Bada, udazkenean gorriz eta urre kolorez janzten diren baso horiei hainbat bisita egiteko parada eskaintzen du Euskal Herria aldizkariak azkenengo zenbakian. Irati, Basajaunberro, Bertiz, Lizarrusti, Murube, Artzubiaga, Izki, Altube, Baranbio, Arratzu, Aizkorri bazterretako basoak, Artikutza, Nekaitz, Amikuze, Ehujarre, Arbaila, Sastarri eta beste mendate asko bisitatzeko parada, beraz. Denera 50 ibilbide, Euskal Herriko geografia osoan zehar, basoen edertasunaz ondo gozatu ahal izateko. Baina kaletik aparte egotea jasanezin egiten zaien irakurleentzat ere badute txokorik aldizkarian. Bilboko bazterrak arakatu ahal izango dituzte, adibidez, Edorta Jimenez laguntzaile dutela. Xarma mendiko baso liluragarrietan ez ezik, asfalto artean ere aurki daitekeelako.
Matxinsaltoen belarriak Unai Elorriaga
Elkar
128 orrialde
9,50 euro
Unai Elorriagak propio haurrentzat idatzia
Umeen hizkera eta mundua deskubritzeko era islaturik daude Unai Elorriagak idatzi eta Eider Eibarrek marraztutako Matxinsaltoen belarriak kontakizunean. Aita gaixo duelako izeba baten etxera eraman duten mutikotxo bat du narratzailea. Jakin min handiko mutikoa dugu Tomas, eta jakin nahi duena bereganatzeko irakasleak aurkitzen iaioa, gainera. Amari, aitonari, osabari eta Iñes lehengusina azkarrari entzuten dienen berri ematen digu. Esaterako, intsektuek 200 milioi urte dituztela. Ziurta dezake hori, Iñes lehengusinak esan diolako, eta Iñesek asko hitz egiten du, baina ondo. Eta hauxe erabakitzen du mutikoak: Iñes izango dela igual intsektuei buruz munduan gehien dakiena.
El ejecutivo
Enrique Arias Vega
Ediciones Beta
144 orrialde / 12,50 euro
Enrique Arias Vegak idatzitako El ejecutivo-k irabazi zuen iaz Ategua nobela lehiaketa. Protagonista, Miguel Angel Astiz du, 59 urterekin zeukan guztia galdu duen gizona: lanpostua, emaztea, alaba, etxea, ordura arteko lagunak galdu ditu. Mixeria gorrian, hiriz ere aldatzea erabaki du, Bartzelona utzi eta Madrilera joatea. Besteek zaborretara botatzen dutenen artean eskuratzen duenetik bizi da. Baina lagunak egingo ditu, eta eginahalaren eginahalaz, garai batean zuen lanpostua berreskuratuko du.
Irakurrienak
Matomo erabiliz
#1
Juan Aldaz Arregi
#2
Imanol Satrustegi Andrés
#3
#4
#5
Azkenak
2024-04-28
Jenofa Berhokoirigoin
BOLLOTOPAKETAK
Bollera subjektua erdigunean jartzera datorren hitzordua
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
2024-04-28
Olaia L. Garaialde
Gorputz hotsak
"Pianoa da konpainia izatea bezala, ez zara inoiz bakarrik sentitzen"
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
2024-04-28
Axier Lopez
Dronea, munduko botere harreman desorekatuen ikur eta eragile
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
2024-04-28
Miel Anjel Elustondo
Iñaki Soto. Erredakzioko kazetaritza ardatz
"Gure Herriaren etorkizuna eta hizkuntzarena batera joango dira"
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
2024-04-28
Urko Apaolaza Avila
Migrazio eta Asilo ituna: Europaren legatu kolonialista denon begien bistan
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Eguneraketa berriak daude