ARGIA.eus

Egin ARGIAkoa
Oparitu ARGIA
Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia
osteguna 2024ko apirilaren 25an

Keu: «Orain badakit nolako kantuak egin nahi ditudan»

2006ko ekainaren 04an
Zure aurreko taldea, Fjord, bat-batean desegin zenuten…
Urtebete oso intentsoa egin genuen, baina ez ginen ados jartzen: geldiunea noiz egin, zer estudiotan grabatu… Desberdintasunak azaleratzen hasi eta norberak bere bidea jarraitzea hobe zela pentsatu genuen. Hala ere, Fjord gogoratzean hunkitu egiten naiz; prestatzen genbiltzan diskoak itzela izan behar zuen.

Uek proiektuarekin orain arte esperimentatu egin duzu. Orain, berriz, talde izaera eta abesti klasiko kontzeptua landu duzu. Zergatik?
Uek bigarren mailan eduki dut, esperimentatzeko. Orain gogoa neukan Uek-ekin zuzenekoak egiteko, baina zaila da arlo esperimentalean zuzenean aritzea. Horregatik, betiko lagun Mikel eta Jonekin batu eta kantu rockeroagoak idatzi ditut.

Esperimentatzeko gogoa alde batera utzi duzu?
Oso urte gutxitan hiru disko esperimental egin ditut eta oraingoz nahikoa da, baina esperimentatzeko gogoa bueltatzen bada, igoko naiz ganbarara berriro.

Eroso ikusten duzu zure burua abesten eta gitarra jotzen, front-man gisa?
Bai. Aurreko diskoetan kantu bana abestu dut eta Fjordekin koruak egin nituen. Beti izan dut erraztasuna doinuak lantzeko. Ahotsa da beste edozer moduan: ekinez gero eta norberaren mugak ezagututa, aurrera egitea. Gustuko dut diskoan eta kontzertuetan entzuten dudana.

Zure aurreko talde eta diskoekin alderatuta, Heltzear diren egunak askoz pop-rockeroagoa da…
Bai. Urte askotan Mikel eta biok Etsaiak taldean ibiltzeak zaku berean sartu gaitu. Zain edo Fjord taldeek aurrera egin artean, ez da igarri musika alor askoz zabalagoa entzuten dugula. Orain beste intentsitate batzuk lantzen hasi gara, urtetan barruan eraman duguna ateratzen gabiltza. Disko honek niri gustatzen zaizkidan osagarri guztiak dauzka. Orain badakit nolako kantuak egin nahi ditudan. Hurrengo diskoa egiteko desiratzen nago!

* * * * * * * * * *


Heltzear diren egunak
Uek
Gaztelupeko hotsak
Iraupena: 33’27’’ 13,46 euro

Alter hegoa nagusitu da

Keu aldatu dela dirudi, orain arte esperimentuak egiteko erabili duen alter-egoaren azkeneko lana entzunda. Ardatz izan duen hardcorea eta metala alde batera utzita, rockean eta popean murgildu da. Hainbat proiektutan ondoan izan duen Mikel Arakistain baxu jotzailearekin eta Arima Beltza taldeko Jon Gurrutxaga bateria jotzailearekin, Sen taldearen popetik hurbil bidaiatu du, Kuraiaren erritmo eta doinuak ere dastatu ditu, eta txikitatik hainbeste gozatu dituen hard-rock gitarra bizi-biziak ere zorroztu ditu, aurreiritzien gainetik eta gaur egungo doinuetaraino jauzi eginez (Queens of the Stone Age kasu). Disko freskoa da, itsaskorra -kostakoa baita- eta kantu guztiak doinuz zipriztinduta daude. Hitzei dagokienez, intimista samarrak dira, hurbilekoak, Keuk eginak. Eta Lekeitioko Txilik bi perla poetiko-iraultzaile oparitu dizkio.

ASTEKARIA
2043. zenbakia
2006ko ekainaren 04a
Irakurrienak
Matomo erabiliz
#1
Bollera subjektua erdigunean jartzera datorren hitzordua
Jenofa Berhokoirigoin
#2
"Gure Herriaren etorkizuna eta hizkuntzarena batera joango dira"
Miel Anjel Elustondo
#3
Gernikaren berpiztea
Karmelo Landa
#4
Athletic zuri ta gorria, zu zara nagusia, baina zertan?
Juan Aldaz Arregi
#5
EAJko karguen senide harrobia
Ahoztar Zelaieta
Azoka
Azkenak
2024-04-28 | Jenofa Berhokoirigoin
BOLLOTOPAKETAK
Bollera subjektua erdigunean jartzera datorren hitzordua

Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]

2024-04-28 | Olaia L. Garaialde
Gorputz hotsak
"Pianoa da konpainia izatea bezala, ez zara inoiz bakarrik sentitzen"

Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]

2024-04-28 | Axier Lopez
Dronea, munduko botere harreman desorekatuen ikur eta eragile

Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]

2024-04-28 | Miel Anjel Elustondo
Iñaki Soto. Erredakzioko kazetaritza ardatz
"Gure Herriaren etorkizuna eta hizkuntzarena batera joango dira"

25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]

2024-04-28 | Urko Apaolaza Avila
Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]

Eguneraketa berriak daude