Autodeterminazio kasu bakoitza lupaz eta ikusmin izugarriarekin jarraitzen da Euskal Herritik, eta zeresanik ez Europan ematen bada. Ez da gutxi Europako Batasunak (EB) autodeterminazio prozesu hori egitea baimentzea eta sostengatzea. Balkanetako gerran izan zuen jarrera koldarraren kontrakoa da eta, alde horretatik, zerbait ikasi zuela ondoriozta liteke. Independentzia erdiesteko, dena den, apirilaren 30ean botuen %55 lortu beharko dute honen aldekoek. Kontua da %53 lortzen badute jai dutela, oraingoz bederen, eta horrek boto guztiak ez direla berdinak adierazten duela. Euskal Herrian ere ondo ezagutzen den eztabaida da botoaren balio desberdinarena.