Argitalpenak


2005eko urriaren 16an
Inoiz baino beharrezkoagoak dira eskuin muturraren gezurrei
aurre egingo dieten hedabide independenteak


Lotsaizuna
J. M. Coetzee
Elkar
284 orrialde 17 euro

Norberaren erantzukizunaz

Oskar Aranak euskaratu duen J. M. Coetzee idazlearen Lotsaizuna nobela norberaren erantzukizunaz diharduen idazlan interesgarri, gogor eta sakona da. Hegoafrikako Errepublikaren Lurmutur Hirian sortua dugu J. M. Coetzee, 2003. urtean Nobel saria irabazi zuen idazlea, eta bere eleberri hau ere lurralde haietan kokatua dago, baina gaia guztiz unibertsala du. Sexu kontu batengatik unibertsitatean daukan lana galduko duen irakaslea eta haren alaba nekazaria ditu pertsonaia nagusi. Mendeetako arrazismoaren ondorioz bortxatua izango da emakume hori, eta aita ahaleginduko da daukan etxaldea saldu eta Lurmutur Hirira edo Europara alde egin dezan. Baina gazteak ez du ihesaren bidea onartuko, ez eta haurdun dagoela dakienean ere.


BBK-Euskaltzaindia Literatura Sariak. 1958-2003
Batzuen artean
Bilbao Bizkaia Kutxa Fundazioa, Euskaltzaindia
185 orrialde


Nobela, antzerkia, poesia eta saiakera sarien irabazleak

Bilbao Bizkaia Kutxa Fundazioaren eta Euskaltzaindiaren artean antolatzen dituzten literatur lehiaketa guztietan saridun gertatu diren lanen eta haien egileen berri ematen duen liburua da hauxe. Txomin Agirre eleberria saria, Toribio Altzaga antzerki saria, Felipe Arrese Beitia olerki saria eta Mikel Zarate saio saria eskuratu dutenen bibliografia eta saritu zaizkien lanen berri ematen du, eta baita Resurrección Mª Azkue izenarekin antolatu izan diren literatur lehiaketa guztietan irabazle gertatu direnena ere. Jakina denez, Resurrección Mª Azkue eleberri, olerki eta saio saria 1986an sortu zen helduentzat Bilbao Aurrezki Kutxaren eskutik, baina 1991. urtetik hona idazle gazteen lanak baino ez ditu saritzen.

Lux mundi
Batzuen artean
Euskal Idazleen Elkartea
208 orrialde

Ipuinak sarrailatik begira

Honelakoxe izenburu zehatza du Euskal Idazleen Elkarteak plazaratutako liburu honek: Lux mundi. Ipuinak sarrailatik begira. 2004. urtean Pirinioen ekialdean dagoen Vall de Boin elkartu ziren hainbat idazle euskaldun eta katalan, Galeusca deitu ekitaldien barnean. Bilkura horren ondorioz sortu zen ipuin bilduma honek kontakizun guztiak haran horretan kokatuta daudela du berezitasun. Liburuan parte hartu duten idazleak Lluís Anton Baulenas, Itxaro Borda, Pep Coll, Aingeru Epaltza, Iñaki Friera, Maite Gonzalez Esnal, Andreu Lonça, Josep Lozano, Xabier Macià, Antoni Marí, Gerardo Markuleta, Susana Rafart, Fito Rodriguez, Andoni Sarriegi eta Urtzi Urrutikoetxea ditugu. Jakina, idazle katalanen ipuinak euskaratuak izan dira.

Juan de Albret y Catalina de Foix
Álvaro Adot Lerga
Pamiela
430 orrialde 22 euro

Nafarroako erresuma (1483-1517)

Pamiela argitaletxearen eskutik Álvaro Adot Lerga historialariak aurkezten digun lan honek Juan de Albret y Catalina de Foix o la defensa del Estado navarro (1483-1517) dauka izenburutzat, eta bertan daude jasoak Nafarroako Juan III.ak eta Catalina I.ak beren menpe zeukaten erresumaren indarra eta independentzia babesteko egin zituzten ahaleginak. Nafarroa eta Biarnoko independentzia deuseztatzeko asmo sendoa zeukaten bai Gaztelako erregetzak eta baita Frantziakoak ere, eta Adot Lerga historialariak dioenez, Albreteko Juanek eta Foixeko Catalinak balantzin motako politika aurrera eraman behar izan zuten beren menpe zeuzkaten lurraldeen burujabetasuna babesteko, unearen arabera etsai arriskutsuenetara gerturatuz edota haiengandik irmoki urrunduz.

Etxe-ataritik globalizazioa eta balioak
Joan Jose Uranga Unanue
Utriusque Vasconiae
172 or. / 14 euro


Baserri giroan eman diren aldaketa itzelez

Garai batetik hona baserri-arloan ezagutu diren aldaketa ikaragarriak dauzka hizpide Joan Jose Uranga Unanuek Etxe-ataritik globalizazioa eta balioak saioan. Baserri-ataritik begira, hasi berria dugun XXI. mendearen erronkak aletzen ditu, banan-banan, beti ere gizarte humanoago baten alde eginez, gizakia eta giza balioak salbatu nahirik. Joan Jose Uranga Unanue sakramentinoa sortzez Zestoako Arroa auzokoa da, eta beraz, nekazaritzako gizartetik informazio arora bitarteko ibilbidean eman den aldaketa izugarria oso hurbiletik ezagutu du. Bere iritziz, ilusiorik eta idealik gabeko gizakiak heldu dio XXI. mendeari. Etorkizun hobeagoa eraiki ahal dezagun du helburu bere lan honek.

Berba galduen putzua
Seve Calleja
Desclée
72 or. / 8 euro

Seve Calleja kontakizunak harilkatzen Berba galduen putzuan

Irakurle gazteenei begira Seve Callejak sortu duen Berba galduen putzua ipuin liburuan, lurraren barren-barrenean ezkutaturik dagoen putzu misteriotsura amilduak izan omen direnen istorioak harilkatuak daude. Putzu edo haitzulo sakon horri, zenbait lekutan Gurarien Putzua deitzen omen diote. Beste zenbaitetan, Putzu Mingotsa, edota Piraten Haitzuloa edo Deabruaren Zintzurra. Bada, gutxi esploratutako putzu babesgabe horretara eroriak dira kontakizunean agertzen dituen pertsonaia asko.

Ikus gaitzazuen
Txema Ramírez de la Piscina
Alberdania
150 orrialde 12 euro

Bestelako komunikazioa: alternatiba kritikoak

Txema Ramirez de la Piscinak Ikus gaitzazuen. Bestelako komunikazioa: alternatiba kritikoak saiakeran erakutsi nahi izan du komunikazioaren munduan baliabide gutxirekin bada ere posible dela iritzi publikoarengana iristea, irudimena tartean izanda eta tresna erretorikoak behar bezala uztartuz gero. Ez du esan posible izango dela garaipen osoa, inondik ere, baina bai lehen baino hobeto iristea jendearengana eta zenbait garaipen partzial lortzea. Bere iritziz, bestelako komunikazioa behar- beharrezkoa da komunikazioaren munduan eredu neoliberala jaun eta jabe agertzen den mundu honetan; eta komunikazio mota hori matxinada-ekintza bat da, manipulazioaren, merkatuaren diktaduraren eta gorrotoaren aurka altxatzen den errebolta horizontala eta demokratikoa. Han eta hemen, egunez egun, hedatuz doan sarea dela dio; teknologia berrien abantailez baliatuz eraikitzen ari den mugimendua. Txema Ramírez de la Piscinak aldarrikatzen duenez, komunikazio merke eta alternatibo honi dagokionez, zapatismotik asko ikasi behar dugu; baina baita Venezuelan, Iraken, eta liburuan jasoak dauden munduko hainbat lekutan emandako zenbait fenomeno interesgarrietatik ere.


Azkenak
Konfrontaziora pasatzeko garaia da

Euskararen normalizazioaren motorrak herri dinamikara bueltatu behar du aurrera egin nahi badugu


2025-07-30 | Sustatu
Tea app: emakumezkoen online segurtasunerako behar zuen tresna desastre bilakatu da

Tea App edom Tea Dating Advice delakoa ustez emakumeak online sortutako zitetan babesteko sortutako app bat da (edo izan da). Bere funtsa zen emakumezkoek online ligatzeko plataformetan ageri diren gizonezkoak etiketatzea hitzordu edo topaketa txar, susmagarri edo ez... [+]


2025-07-30 | Ahotsa.info
Eskuin muturreko talde sektario batek ‘Nabarro’ren omenaldia oztopatu du Abarzuzan

Eskuin muturreko sekta erlijioso bateko kideek, Deierrin bizi direnek, 1986an erbesteratuen aldeko ekintza batean Hernanin hil zen Fernando Ros Abartzuzako gaztearen omenezko ekitaldiko bidea oztopatu zuten igandean.


Milaka juduk Palestinaren askapenaren alde lan egiteko konpromisoa berretsi dute, “sionismoaren krimenen aurka”

Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]


Uribarrin urperatutako herrietatik bota zituztenak omendu dituzte

Ur azpian utzitako herrietatik joan behar izan ziren 600 pertsonen omenez jarri dute oroigarria urtegiaren begiratokian, "ez ditugu inoiz ahaztuko urperatutako bizitzak", adierazi du Arabako ahaldun nagusiak.


2025-07-29 | Gedar
609 langile kaleratuko dituzte Ezkirozko BSHn

Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.


Gasteizko lorezainek lau hilabete bete dituzte greban, Jaurlaritza eta Enviser enpresa aurrean manifestazioa eginda

Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik. 


Álvaro Uribe Kolonbiako presidente ohia errudun jo dute iruzurra eta eroskeriagatik

2002 eta 2010 artean Kolonbiako presidente izan zenari gutxienez lau eta zortzi urte arteko espetxe zigorra ezarri diezaiokete. Auzitegi Gorena 2018an hasi zen ikertzen Uribe, Ivan Cepeda senatari ezkertiarrak jarritako salaketa batean lekuko ziren hainbat paramilitarri... [+]


Israeldar kolono batek ‘No Other Land’ dokumentala grabatzen lagundu zuen aktibista palestinar bat hil du Zisjordanian

Yinon Levi izeneko kolonoak Odeh Hadalin aktibista hil du Zisjordania hegoaldean. 'No Other Land' dokumentala grabatzen lagundu zuen Hadalin, dokumental onenaren Oscar saria irabazi zuen martxoan. Kolono hiltzailea palestinar lurraldeak okupatzeagatik AEBetako zigor... [+]


2025-07-29 | Mikel Aramendi
Analisia
Kanbodia eta Thailandia, gerra-plantak egiten?

Arma astunekin elkarri erasoka lau egun eman ondoren, baldintzarik gabeko su-etena adostu dute Kanbodiak eta Thailandiak, Malaysiaren bitartekaritzarekin, Kuala Lumpurren egin duten aurrez aurrekoan. Ezingo dute akabera hori ikusi bonbardaketetan, alde batean zein... [+]


Euskal diaspora elkartuko da Boisen, eta jendetsua izatea espero dute

AEBetako Idaho estutako Boise hiriburuan ospatuko dute euskal kultura ezagutarazteko, eta euskal diaspora batzeko. Hainbat ekitaldi egingo dituzte uztailaren 29tik abuztuaren 3ra arte.


Gurasotasun baimena 16 astetik 17ra luzatuko du Espainiako Gobernuak, eta 32 aste gurasobakarrentzat

Astearte honetako gobernu bileran onartuko dute PSOEk eta Sumarrek, akordioa iragarri baitute. Neurria "berehala" ipiniko dela indarrean jakinarazi dute.


Astebeteko liskarren ondoren, Thailandiak eta Kanbodiak su-eten akordio bat sinatu dute

Duela astebete, bien arteko mugan Thailandiako eta Kanbodiako tropak elkarri eraso egiten hasi ziren, Frantziaren kolonizazio aldian jatorria duen gatazka berpiztuta. Bi herrialdeek "berehalako eta baldintzarik gabeko" su-etena ezartzea adostu dute astelehenean, 35... [+]


Zuzenean eta zeharka 434.000 palestinar hil ditu Israelek 2023ko urritik, Gazako biztanleriaren %20, kalkulu baten arabera

The Lancet aldizkari ezagunak iazko uztailean eginiko "aurreikuspen zuhurraren" ondoren, zuzenean eta zeharka Gazan hilda egon daitezkeen palestinarren kopurua eguneratu du Steven Donziger abokatu entzutetsu estatubatuarrak, The Lancet-en formula... [+]


Eguneraketa berriak daude