Ispilua

Castillo Suarez @casti_suarez
2005eko urriaren 02a
Batzuetan ematen du gauzak telebistan diren bezalakoak ikusten dituela. Ispilua balitz bezala, telebistan ikusten diren bezala ikusten ditu bere inguruko gauzak: koloretsu, azkar, garden, gazte, lirain eta erakargarri. Telebistan ageri zen itsaso sakon eta zabala ikusi nahi zuela errepikatzen zizun, ontziak zebiltzan itsaso urdinera joan nahi zuela alegia. Behin eta berriro eskatzen zizun, eta hara eraman zenuen egun batez. Haizeak aurpegia ferekatzen zizuen, eta erregai eta udazken usaina nahasten ziren. Ikusgarriak ziren olatuak, ├▒abarrak eta aldi berean orekatuak. Alabaina, haurrak ez zuen aparteko interesik erakusten. "Telebistan ikusgarriagoa da" erantzun zizun galdetu zenionean, dezepzio aurpegia jarriz. Orduan aspertzen zela esan zizun, etxera bueltatu nahiko lukeela. Zuri, ordea, kosta egiten zitzaizun etxerako bidea hartzea. Ez zenuen jakin zer esan telebistan dena ikusgarriagoa dela esan zizunean zazpi urteko ilobak. Izan ere, egia da, batzuetan ematen du gauzak telebistan diren bezalakoak ikusten dituela, sakelean daraman ispilutxoa dela nolabait. Eta zer pentsatua ematen dizu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude