Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
larunbata 2024ko apirilaren 20an
Argitalpenak
Matalaz. Euskal kantua atzo eta egun
Angélique Fulin,Tehenta
Abotia
221 orrialde
Jack Telmo eta Zirkulu Magikoa
Juan José Fernandez
Erein
102 orrialde
11,10 euro
Ortziren hortza
Josetxo Orueta
Pamiela
238 orrialde 12 euro
Euskal Herria
Batzuen artean
Sua
130 orrialde
5,15 euro
Pulp fikzioa
Batzuen artean
Saure
32 orrialde
13 euro
Ehiza eta nekea
Igor Estankona Bilbao
Kutxa Fundazioa
63 orrialde
4 euro
Robert Capa
Edorta Jimenez
Elkar
128 (+ 16) orrialde 8,65 euro
Angélique Fulin,Tehenta
Abotia
221 orrialde
Zuberotarrak Matalaz oroituz
Liburu honetan 2001ean Urdiñarben eta Donostiako Kursaalen Matalaz. Euskal kantua atzo eta egun ekitaldia eman ahal izateko hirurogei zuberotarrek, zortzi hilabetez, landu zuten lanaren berri ematen da, zubereraz eta frantsesez. 1661ean Zuberoan izan zen matxinada islatzen du, eta Joseba Sarrionandiak idatzitako Oroitzera eseri ipuinean oinarriturik dago. Zuberoako matxinada hark Mitikileko herritar eta erretorea izan zen Bernard de Goihenetxe izan zuen buruzagi. Apaiz horren agindupean bildu ziren sei mila edo zazpi mila laborari zuberotar armak harturik, eta Zuberoaren jabe egin ziren, uda oso batez boterea bere esku edukiz. Baina azkenean frantziar soldaduek garaitu, eta besteak beste Matalazi aizkora batekin lepoa moztu zioten.
Jack Telmo eta Zirkulu Magikoa
Juan José Fernandez
Erein
102 orrialde
11,10 euro
Jacken ezusteko bidaia ziberrespaziora
Juan José Fernandez, Art&ur, hainbat argitalpenetan »Chicos, Futpasbol, Pasatiempos, Txin-Pum, Ikas Jolas, Mozorro, Iker...» haur eta gazteentzako orriak sortuz ospetsu egindako gizonaren irudimenetik atera da Webook Mundua eta irakurlea ziberrespaziora daraman sailaren lehen liburua: Jack Telmo eta Zirkulo Magikoa. Jack bere amona Petrarekin bizi da Santa Klara uharteko faroan, eta ez zaio burutik pasa ere egiten bere patua amonak kontserbak egiteko erabiltzen duen antibirus informatikoarekin loturik dagoenik. Baina antibirus horrekin deskubritu ahal izango ditu mutil horrek Webookak eta borrokatuko da pirata informatikoen erakunde sekretua den Anemona Korporazio gaiztoaren kontra.
Ortziren hortza
Josetxo Orueta
Pamiela
238 orrialde 12 euro
Orreagako gatazkan gertatutakoak
Josetxo Oruetak frantsesez eta gaztelaniaz idatzi zuen Orreagako gatazkari buruzko liburuetan oinarritu du Joxean Sagastizabalek Pamiela argitaletxeak Gazte Bilduman kaleratu duen euskarazko bertsio hau. Ortziren hortzak VIII. mendera darama irakurlea, Errolanen Kantako bertsoen atzetiko sekretua kontatzeko. Narrazioan zehar azaltzen den egia ezkutu horietan argi geratzen da euskaldunak izan zirela Karlomagnoren zaldunik onena hil zutenak, hala nola haren gizonak erabat garaitu zituztenak ere, eta ez sarrazenoak, frantziarren bertsioak aldarrikatzen duen modura. Nolanahi ere, Josetxo Oruetaren idazlana nobela bat da, fikzioa eta benetako gertakizunak nahasten dituena. Protagonistak ere, batzuk egiazkoak dira eta besteak asmatutakoak.
Euskal Herria
Batzuen artean
Sua
130 orrialde
5,15 euro
Gailur gorenetatik itsasertzeraino
Sua argitaletxeak plazaratzen duen Euskal Herria aldizkariaren azken zenbakian proposatzen zaizkigun ibilaldiak irudimenarekin bada ere eginez gero, berdin joan gintezke Hiru Erregeren Mahaia gailurrera, edota Alluit-Anboto, Aizkorri, San Tirso, Peña Leon, Iparla, Ordunte, Arno, Valderejo, Entzia, eta Leirekoetara. Baina ez dira hor bukatzen aldizkarikoek eskaintzen dizkiguten aukerak. Berdin joan gintezke ere Orozko bailarako berdea gozatzera, kostaldeko itsas-txalupetan bidaiatzera, Larrunen aurkitzen diren trikuharriak ikustera, gure inguruan ditugun landare toxikoak zeintzuk diren eta egin dezaketen kaltea ezagutzera, eta duela 15.000 urte gure arbasoak nola bizi ziren jakitera. Edota Vietnam bisitatu dezakegu, Joan Biosca argazkilariarekin.
Pulp fikzioa
Batzuen artean
Saure
32 orrialde
13 euro
Ingurumenari buruzko komikiaren lehen saria
Saure argitalatxeak plazaratu duen Pulp fikzioa izenburuko komiki honetan Ingurugiroari buruzko ipuinak izeneko komiki lehiaketan saritutako lanak agertzen dira. Itsasoak gizakiaren eskutik jasaten duen hondamendia dute gai. Hauexek dira egileak eta bakoitzak aurkezten duen lanaren izena: Maria José Mosquera Beceirok Mundua atzekoz aurrera ulertzen duen olagarroa, Amaia Ballesteros Lópezek Maremagnum, Aurora Solanok eta José Hierro marrazkilariak Nola irten bizirik irribarrea galdu gabe?, Maria Elena del Valle Garcesek Pulpo a la chirel eta Diego Alejandro Garavanok Ander eta Pier. Guztiak euskaraz agertzen dira, Virginia Perez itzultzaileak egindako lanari esker.
Ehiza eta nekea
Igor Estankona Bilbao
Kutxa Fundazioa
63 orrialde
4 euro
Igor Estankonaren Ehiza eta nekea Irun Hiriko olerki saria
Igor Estankona Bilbaok eskuratu zuen iaz Kutxa Fundazioak duela hogeita hamabost urtez geroztik urtero antolatzen duen Irun Hiriko Kutxa Literatur Saria, olerki alorrean, Ehiza eta nekea izenburua duen poema bildumarekin. Poesia saria jasotako lan hau hiru ataletan banatuta dago, eta Joseba Jaka bekaren laguntzaz Igor Estankonak argitaratu zuen Tundra olerki bildumaren arrastoan idatzia da. Nolanahi ere, Ehiza eta nekean haratago doa poeta, inoiz iristen ez den bidearen amaieraren bila baitabil.
Robert Capa
Edorta Jimenez
Elkar
128 (+ 16) orrialde 8,65 euro
«Milizianoaren heriotza» argazkiaren egilea
Espainiako azken gerran ateratako argazkirik ospetsuenaren egileak izan zuen bizitzaz idatzi du Edorta Jimenezek oraingoan. Robert Capa bezala ezagutu izan zen gizonak jaso zuen Federico Borrell Garcia anarkista Cordobako frontean hil zuteneko argazkia. Baina Euskal Herrian ere izan zen Endre Ernö Friedmann, Robert Capa ezizenaz "munduko argazkilaririk onena" izendatu zutena. Gerra aurretik etorri zen eta Paulino Uzkudun boxeolariari egin zion erretratu. Eta gerra garaian ere bisitatu zuen gure herria, 1937an Bizkaia aldeko fronteen eta Bilbon faxisten erasoa jasotzen zuen erretaguardiaren argazki andana jasoz. Haietatik esanguratsuenak jasorik daude Robert Capa liburuan. Bestalde, borrokaleku asko ezagututako pertsona genuen argazkilari hau, Txinan, Ipar Afrikan, Italian, eta Normandiako lehorreratzean izan baitzen. Eta gerrako argazkilari bezala hil zen, 1954an, Indotxinan mina bat zapaldu zuenean. Heriotzaren hainbeste aurpegi bere kamararekin jaso zituen gizonak, ordea, bizitzaren irrika zuen ezer baino gehiago, eta hark maite izan zituen emakume eta lagunen berri ere ematen du Edorta Jimenezek.
Irakurrienak
Matomo erabiliz
#1
Zigor Olabarria Oleaga
#2
#4
Ane Ablanedo Larrion
Azkenak
2024-04-22
Garbiñe Larrea Iturralde
Intsusaren bigarrena
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
2024-04-22
Eneko Bachiller Otamendi
Arrain-zoparako, besterik ezean, itsasoko igela
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
2024-04-22
Jakoba Errekondo
Lurra elikatu, guk jan
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
2024-04-22
Garazi Zabaleta
Txaramela
Pasta ekologikoa, ortuko barazki eta espezieekin egina
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
2024-04-21
Gorka Peñagarikano Goikoetxea
'Cristóbal Balenciaga' telesaila
"Nabaritu dadila euskaldun batzuok euskaldun baten istorioa kontatu dugula"
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]
Eguneraketa berriak daude