Historia okerrak zuzenduz


2007ko otsailaren 21an
Francisco Franco zaldi gainetik erortzen den une honetan, zuzenbide poetikoa Historiaren ahotik mintzo da. Zorionez, Luis Bolin nor zen ez du inork gogoratuko dagoeneko: generalisimo hiltzailearen prentsa-bulegoaren arduraduna zen, orduan ere botere mediatikoa eta botere despotikoa bat etortzen baitziren. Bolin horrek antolatu zuen Gernikako bonbardaketaren inguruko toxikazioa. Haren hezurrak ahaztu dira betirako, eta aldiz George Steer kazetari ausartaren biografia biziki interesgarria atera berri du egunotan Nicholas Rankin irakasle eta kazetariak. Havas agentziak hedatu zituen gezurrak baita haien gainean idatzi zuen Ricardo de la Cierva bera bazterrean gelditu dira aspaldi, eta aldiz Hernanin ehunka fusilatuen gorpuak berreskuratu egiten dira, haien memoria gaurkotuz. Estepan Urkiaga Lauaxeta bera egunotan berpiztu egingo da, Juan Luis Zabalaren eleberrian legez, ez preseski frankistek nola fusilatu zuten gogoratzeko, baizik eta haren jaiotzaren mendea ospatu nahian. Gernikan bertan ikatz beltza bihurtu da lotsabako batzuk generalisimoari eskaini zioten diamantezko domina, eta aldiz Herbert Soutworth ikertzaileari kalea eskaini zaio. Eskertzekoa.


Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


Eguneraketa berriak daude