Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
ostirala 2024ko apirilaren 19an
Argitalpenak
Ahardikeriak
Marie Darrieussecq
Alberdania
129 orrialde
15 euro
Psikogeriatriako unitateak
Batzuen artean
Gipuzkoako Foru Aldundia
72 orrialde
Euskal Herriko Geografia
Guillermo Meaza
Ibaizabal
137 orrialde 14,20 euro
Pared
Luis Moreno
Kutxa Fundazioa
37 orrialde
3,60 euro
Euskal sukaldaritzaren antropologia
Edorta Agirre Alonso
Gaiak
166 orrialde
17 euro
Untxi Txiki Zuria
Marie-France Floury, Fabienne Boisnard
Ibaizabal
24 or. / 5,90 euro
Marie Darrieussecq
Alberdania
129 orrialde
15 euro
Truismes ospetsua euskaraz
Marie Darrieussecq idazle baionarrak 1996an argitaratu zuen Truismes nobela ospetsua Ahardikeriak izenburuarekin plazaratu du orain Alberdania argitaletxeak, Joxan Elosegik egindako itzulpena bide. Langabezian den neska gazte batek lurrin-denda kate bateko jabeak kontrata dezan eta enpresan lan egin nahi badu onartu behar izaten dituen bortxazko ukitu lizunetatik hasiz zerri eme bilakatzeraino jasan izandako guztien kontaera ironiatsua da narrazio honen argumentua. Hasieran emakumezko zein gizonezkoen eskuetatik pasa behar izaten duen arren, arrak izango dira gero bere bezero gehienak. Berataz baliatzen diren politikariak, telezaborrako aurkezle ankerrak eta astintzen duten maitaleak ezagutuko ditu bizimodu petral horretan.
Psikogeriatriako unitateak
Batzuen artean
Gipuzkoako Foru Aldundia
72 orrialde
Gipuzkoako Foru Aldundiaren psikogeriatriako eredua
Gipuzkoako Foru Aldundiko Gizarte Politikarako Departamentuak euskaraz eta gaztelaniaz kaleratu duen liburuxka honen izenburu zehatza Psikogeriatriako unitateak. Diseinu arkitektoniko eta terapeutiko baten oinarriak da. Zahartzaroko dementzia kopuru handiari erantzun ahal izateko sortutako psikogeriatria unitateen helburua dementzia prozesuetan murgilduta dauden pertsonen bizi kalitatea hobetzea da, egoitza-zentroak beren dementzia prozesura egokituta ez egoteagatik eragin daitezkeen bigarren mailako sintomak desagerraraziz. Nolanahi ere, unitate horiek ez dira dementzia prozesuetan dauden pertsona egoiliar guztientzat sortu, portaera desorekaren bat dutenentzat baizik.
Euskal Herriko Geografia
Guillermo Meaza
Ibaizabal
137 orrialde 14,20 euro
Euskal lurraren ezaugarriak
Ibaizabal argitaletxeak aditua ez den irakurlearentzat sortutako Euskal Gaiak bildumaren barnean plazaratu du Guillermo Meazak osatutako Euskal Herriko Geografia. Liburu honetan, euskal lurraren ezaugarri nagusienak azaltzen dira, argazki esanguratsu bezain ederrez lagundurik: erliebea, klima, ura, landaredia eta fauna, hasteko, bertako biztanleriak azkenaldian izan duen bilakaera, ondoren, eta Euskal Herriak dituen baliabideak nola kudeatu izan diren historian zehar eta gaur egunean, amaitzeko. Azken atal honetan, ingurune fisikoaren eta giza jardueraren artean zer artikulazio eredu izan den ikusi nahi izan du egileak, aztertzeko euskal gizakiak bere inguruneko baliabideen eta arriskuen zer nolako kudeaketa egin duen.
Pared
Luis Moreno
Kutxa Fundazioa
37 orrialde
3,60 euro
Donostia Hiria 2004 ipuin saria
1976an Bartzelonan jaiotako Luis Moreno Caballudek idatzitako Pared ipuinak irabazi zuen iaz Kutxa Fundazioak urtero antolatu ohi duen Donostia Hiria Ipuin Lehiaketa, gaztelaniaz aurkeztu ziren lanen artean. Narrazio honetako protagonista obsesionatuta bizi da. Maisua izan nahiko luke bere bikoteari masajeak ematerakoan eta kung-fu maisuak irabazi borrokatan. Ordurarte, harreman nahiko polita izan du bere neska-lagunarekin, baina bat-batean iruditu zaio ez duela behar bezala ezagutzen. Asko maite du, eta jakin badaki emakumeak ere asko maite duela bera, baina beste zer edo zeren premia dauka, eta saiatuko da gauzak aldatzen. Ondorioz, lana galduko du, kung-fu maisuarekin izandako borroka ere bai, eta kolokan jarriko du bikotearekin duen harremana.
Euskal sukaldaritzaren antropologia
Edorta Agirre Alonso
Gaiak
166 orrialde
17 euro
Euskal sukaldaritzaren onurak eta makurrak
Edorta Agirrek Gaiak argitaletxeak plazaratutako lan honetan egin duena euskal sukaldaritzaren historia eta egungo egoera azaltzea izan da, jateko orduan baliagarri izan dakizkigun hainbat kontseilu emateaz batera. Elikabidearen bilakaera eta historiaurreko arbasoek sabela betetzerakoan zituzten ohiturak gaur egun ditugunetaraino aztertzeko, euskal sukaldaritzaren antropologia eta etnografia egin du, besteak beste honako gai hauek kontura ekarriz: XII. mendeko dieta; itsastarrek batetik eta ikazkinek, artzainek eta gainerako lehortarrek bestetik egin ohi zituzten lan-janariak; Gabonetan, San Blasetan, Santa Agedan eta beste zenbait garaitan jan ohi zena; ezkontza eta hileta oturuntzak...
Untxi Txiki Zuria
Marie-France Floury, Fabienne Boisnard
Ibaizabal
24 or. / 5,90 euro
Untxi Txiki Zuria pozik urtebetetze festan
Etxeko txikienei zuzenduta dagoen bilduma da Marie-France Floury eta Fabienne Boisnarden artean sortutako Untxi Txiki Zuria. Oraingoan, bere urtebetetze egunean aurkituko dugu gure laguntxoa, hain zuzen ere hiru urte bete dituen egunean. Oso garaiz hasiko zaizkio adiskideak etxean agertzen, bakoitza bere opariarekin gainera. Gurasoek ere opari asko egin dizkiote, eta poz-pozik dabil Untxi Txiki Zuria jolasean beste haur guztiekin. Gainera, aitak tarta eder bat ekarri die denen artean jan dezaten.
Irakurrienak
Matomo erabiliz
#1
Zigor Olabarria Oleaga
#2
#3
Jon Azkune Torres
#4
Ane Ablanedo Larrion
#5
Iker Iraola Arretxe
Azkenak
2024-04-22
Garbiñe Larrea Iturralde
Intsusaren bigarrena
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
2024-04-22
Eneko Bachiller Otamendi
Arrain-zoparako, besterik ezean, itsasoko igela
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
2024-04-22
Jakoba Errekondo
Lurra elikatu, guk jan
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
2024-04-22
Garazi Zabaleta
Txaramela
Pasta ekologikoa, ortuko barazki eta espezieekin egina
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
2024-04-21
Gorka Peñagarikano Goikoetxea
'Cristóbal Balenciaga' telesaila
"Nabaritu dadila euskaldun batzuok euskaldun baten istorioa kontatu dugula"
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]
Eguneraketa berriak daude