Ez dira berdinak

Castillo Suarez @casti_suarez
2005eko martxoaren 20a
Heriotza guztiak ez dira berdinak. Askotan berdinak balira bezala jokatzen badugu ere, inondik ere ezin dira parekatu heriotza guztiak. Izan ere, nork bere modua dauka heriotzak memorian iltzatzeko. Nafarroan alargunen herria badugu, Gerra Zibilean heriotza kopuru handia pairatu behar izan zuena. Bizi-bizirik daude heriotza haiek Sartagudakoen buruetan, ezkerrekoak edo abertzaleak ziren asko hil baitzituzten orduan.

Heriotza haiek duintasunez gogoratzeko monumentua egin nahi dute Sartagudan, eta herrian ez ezik Nafarroa osoan erail zituztenen aldeko oroigarria egin nahi dute. Ez dute konpentsaziorik eskatzen, ezta zigorrik ere, bakar-bakarrik ezkutuan bizi izandako min guztia agertzeko irudia jarri nahi dute. Baina ekimen paraleloen herrian bizi gara, eta Nafarroako Gobernuak bere monumentua egin nahi du, bere gisara, gerra zibilen hildako guztiendako.

Alabaina, ez dago irain handiagorik berdinak ez diren heriotzak -eta, beraz, sentimenduak- berdinak direla eta berdin ager daitezkeela pentsatzea baino. Izan ere, bada hiltzen den jendea batetik, eta hiltzen zaigun jendea bestetik. Nork bere heriotzak oroitarazteak ez du zertan iraina izan bestearendako. Baina Nafarroako Gobernuan ez dira iritzi horretakoak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude