Pablo Sastre: «Joan badoan mundu batez ari naiz liburu honetan»

Pilar Iparragirre
2004ko abenduaren 05a
Andoaindarrak egin dituzu protagonista...
Bai, eta nahiko zalantzak izaten ditut liburuari izena jartzerakoan. «Andoaindarrak» jartzekotan egon nintzen garai batean, eta hori baino lehen «Euskaldunak III», Hiribarrenen «Eskualdunak» eta Orixeren «Euskaldunak» ere hor daudelako. Eta adibidez, Orixek, oso gogoan sartuta zeukan baina joan bazihoan Euskal Herria batez idatzi zuen poema horretan, eta ni ere-«Euskaldunak» izena laster alde batera utzi nuen arren, ûuste handi samarrekoa zelakoanû joan badoan mundu batez ari naiz liburu honetan.

Zergatik diozu hori?
Duela urte batzuk Andoaina bizitzera joan nintzenetik hona aditu edo ikusi izan ditudan gauzez eta pertsonez idatzi dut. Eta konturatu naiz oraindik posible dela, errealitatea sobera desitxuratu gabe, euskaldunen gainean euskaraz idaztea. Liburu honetako pertsonaia gehienak berez aritzen dira euskaraz; euskaldun berriak ez du oso ongi egingo, bakoitzak bere erara egingo du, baina euskaldunen mundua da nik azaltzen dudana

Eta etorkizunari begira zer susmo duzu?
Beldur naiz orain Andoainera iritsiko banintz hamabost urteren barrenean liburu bat egiteko asmotan, ezingo nukeela liburu hau egin, pertsonaien hitz egiteko era ordurako ez delako izango nik azaldu dudana, oso pobretzen ari da kaleko euskara. Nire nobelan ez dago Patziku Perurenak arestian aitatzen zuen poesia bezalako solasik, baina uste dut, beste era batera bada ere, liburu honetako pertsonaietatik asko kale-poetak ere badirela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude