Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 01an
Ezpalak
Ospitale zaharra arteaz betetzeko
Amorotzeko XIV. mendeko ospitalea, tenplarioena izandako baserri zaharra, biziberritzeko asmoz Harriarka elkartea sortu dute Iparraldeko hainbat artistak. Bi helburu ditu egitasmoak: arteaz bizitzeko arazoak dituzten artistak laguntzea batetik eta arteen truke eta sustapenerako gunea sortzea bestetik. Izuran erakusketa bat egin berri dute eta lanen salmentatik lortutako dirua proiektura bideratu dute. Asmoa arte diziplina ugariko lantegiak sortzea da oso kaltetuta dagoen eraikinean eta, hari atxikita, Guanes Etxegarai artistaren sendiarentzako etxebizitza eraikitzea.
Trikitiaz gogoetatzen
Debekuak izenburupean, Trikitixaren II. Jardunaldiak egingo ditu Euskal Herriko Trikitixa Elkarteak Donostiako Koldo Mitxelena kulturunean, hilaren 27tik 30era. Hiru mahai-inguru izango dira, honako gai hauek jorratzeko: XX. mendeko dantzarako giroa eta arrimuan dantza egiteko debekua; trikitia eta musika eskolatuaren arteko lehia, eta abertzaletasuna eta trikitia. Azken egunean, Dantza debekatuak zuzenean saioan, Laja, Luis Astiasaran eta Joxe Mari Esteibar trikitilariek gerraostean helduta dantzatzeko jotzen ziren erritmoak eskainiko dituzte.
Ikus-entzunezko sektorea bero
Polemika piztu zen Donostiako Zinemaldiaren bezperatan. Euskal Zinemaren Egunaren aurkezpenaren harira, ikus-entzunezko alorreko taldeek (IBAIA, EPE, Gidoigileen Elkartea, EAB eta Zuzendari Berrien Plataforma) Europako Legea »Espainiak uztailean onartutakoa» indarrean jartzeko eskatu diete Eusko Jaurlaritzari eta ETBri. Aipatu taldeek jakinarazi dutenez, lege horren arabera, ETBk publizitate eta diru-laguntza sarreren %5 produkzio independenteetara bideratu behar luke, alegia 5.400.000 euro. Sektoreko taldeen arabera, oraingo kopurua 1.500.000 eurokoa da. Horri erantzunez, ETBk adierazi du Ikus-entzunezkoen Liburu Zuria (2003) martxan jarri zenetik, konpromiso guztiak bete dituela eta inoiz baino laguntza handiagoa eman duela ETBk: 4 milioi euro.
Latinoamerikarekin zita Biarritzen
Filmak, dokumentalak, arte erakusketak, mahai-inguruak eta hitzaldiak izango dira Biarritzen, La Cita Latinoamerikako Zinema eta Kultura Jaialdian, irailaren 27tik urriaren 3ra bitartean. Guztiek Latinoamerikako kulturak izango dituzte ardatz. Guztira, hamar film luze eta zortzi film labur lehiatuko dira. Bestalde, dokumental onenari La Cita-Unión Latina saria emango diote. Fernando Solanas zinemagile argentinarrari omenaldia egingo diote eta bi atzera begirako eskainiko dituzte Mexikoko zientzia fikzio filmekin eta Kubako iraultzari buruzko dokumentalekin.
Diskoetxeak eta eragileak batuta
Ez da berria musikaren sektorea garai gogorrak bizitzen ari dela. Azken urteetan Euskal Herriko diskoen salmentak %35-40 egin du behera. Diskoetxe eta musika promotoreen esanetan, musikak garai batean zuen kultur izaera galdu du eta barne merkatuan pisua galdu du. Horri buelta emateko euskal disketxeek eta promotoreek bi elkarte osatu dituzte: Euskal Herriko Diskoetxeen Elkartea (EHDE) eta Euskal Herriko Promotoreen Elkartea (EUPRE). Irtenbideak bilatze aldera, EITBrekin, SGAErekin eta Eusko Jaurlaritzarekin bildu nahi dute. Entzuleak eta zaletuak gehitzeko.
Talkanpada: Sormenaz hausnartzeko
Zer egin behar da hiri bat sortzaileagoa izan dadin? Leku batean beste leku batean baino sortzaileagoak izan gaitezke? Garai digitalean, garrantzia du non gauden? Galdera horiei eta beste batzuei erantzuna emateko eta kultur sorkuntzaz gogoeta eta trukea egiteko asmoz, Funky Projectsek, Gasteizko Montehermoso kulturunearen laguntzaz, Talkanpada ekimena antolatu du. Topaketa hauen hirugarren aldia da, lehena Donostian egin zen 2001ean eta bigarrena aurtengo maiatzean Mexiko DFn. Ostegunetik larunbatera, 30 sortzailek euren lanaren aurkezpena egingo dute Montehermoson. Bertan egingo dute gogoeta. Baita lo egin ere kanpin dendetan.
Debagoienean Danbaka
Debagoieneko I. Musika Lehiaketa antolatu du Goiena multimedia enpresak udazken honetarako. Parte hartzaileek ibar horretako musika talde edo bakarlariak izan beharko dute »taldekideetako batek gutxienez Debagoienakoa izan behar du» eta edozein estilo jorratu ahal izango dute. Lehen saria eskuratzen duenak disko bat grabatu ahal izango du.
Irakurrienak
Matomo erabiliz
#1
Gorka Bereziartua
#2
Mikel Garcia Idiakez
#3
Gorka Peñagarikano Goikoetxea
#5
Gorka Peñagarikano Goikoetxea
Azkenak
2024-04-30
ARGIA
Netanyahuk dio Rafah inbadituko dutela su-eten akordioa "egon zein ez egon”
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
2024-04-30
Zigor Olabarria Oleaga
Netanyahuk dio Rafah inbadituko dutela su-eten akordioa "egon zein ez egon”
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
2024-04-30
ARGIA
Hil egin da Artzentalesen zauritu zen basogintzako langilea
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
2024-04-30
ARGIA
Eneko Bidegainen 'Bichta éder' eleberriak jaso du 111 Akademiaren Saria
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.
Eguneraketa berriak daude