Sukaldean: Poteko hegaluzea


Osagaiak:
2 kg hegaluzea, xerra oso loditan »arra erdikoak» moztua
Ura
Gatz larria

Kazola oso zabal batean jarriko dugu ura irakiten. Gatz larria erantsiko dugu, ugari erantsi ere, ura gazi dadin. Sua eztituko dugu irakiten hasi orduko, borborrik egon ez dadin. Orduan sartuko ditugu hegaluze puskak. Ura berriro irakiten hasi denetik, 4 minutuan edukiko dugu hegaluzea egosten. Sutatik atera eta ordubetean edukiko dugu hegaluzea ur berean pausatzen, ukitu gabe. Xukatu eta azala, hezurrak eta beltzuneak kenduko dizkiogu hegaluzeari. Zatar idor batez lehortu eta oliba olio birjinaz estaliko dugu ondoren. Kontserba esterilizatu bat ez denez, haren bizia ez da horren luzea, baina gutxienez aste betez eutsiko dio hozkailuan, ongi tapatuta. Kontserba modu tradizionalaren arabera egin balitz bezala erabiliko dugu hegaluze hau.

Uraza (letxuga), eskarola... nola garbitu
Kanpoko hostoak kendu eta arretaz desegingo ditugu buruak. Puntak eta zurtoinak bereizi, eta iturriaren azpian garbituko ditugu xehe-xehe hostoak, lurra eta hondarra kentzeko. Ur ugaritan murgilduko ditugu ondoren; tanta batzuk ozpin edo ehe eman eta beharreko epean edukiko ditugu barazkiak zikinkeria gune zailenetatik atera ahal izateko. Eskuz xukatuko ditugu hostoak, saski birakarian sarrarazi aurretik. Eragin eta ur soberakina kenduko diegu. Horrelakorik ez badugu, zatar lehor batean sartu eta barru hartan irabiatuko ditugu leunkiro hostoak. Entsalada-barazkia kontserbatzeko modu hoberena dugu zatar heze batean bildu eta gopor baten barruan edukitzea, hozkailuaren barruan, 10 bat graduko tenperaturan. Ez dezagun entsalada-gaia hozkailuan oso atzean utz, edo hozkailua hotzegi dagoela sar. Izoztu egin daitezke hostoak eta orduan horrek ez du erremediorik: zakarretara. Oso garrantzitsua da entsaladak barazkia garbi, fresko eta lehor dagoela maneatzea.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude