Bero-beroan


2021eko uztailaren 23an

Gaindegia: gizarte eta garapenerako behategia.

Euskal Herriko esparru sozio-ekonomikoaren hainbat pertsona, enpresa eta taldek Gaindegia izeneko Euskal Herriaren ekonomia eta gizarte garapenerako behategia sortu dute. Euskal Herriaren lurralde zatiketak eraginda, herri honen ikuspegi osoa izateko dauden arazoak gainditu nahi ditu elkarteak, eta horretarako Euskal Herri osoa kontuan hartuko duten ikerketak, proiektuak eta elkarlan ekimenak bultzatuko ditu. Gaindegia, batez ere ekonomia, gizartea eta garapen gaietan oinarrituko da eta datorren larunbatean, hilak 29, egingo du bere sorrera ekitaldia Donostian.


Iñaki Uriaren aldeko ekimenak ugaritzen ari dira

Egunkariaren itxiera ekarri zuen operazioa dela eta espetxean dagoen auziperatu bakarra da gaur egun Iñaki Uria. Gainerako auziperatu guztiak baldintzapeko askatasunean dira. Operazio hartan atxilotutako Xabier Alegria ere espetxean da, Egunkaria auziagatik bermepean ateratzeko aukera eman zioten, baina Udalbiltza auzian ere auziperatua dagoenez espetxean jarraitzen du. Uriari 600.000 euroko bermea jarri zion hilaren hasieran Auzitegi Nazionalak eta hori dela eta protesta adierazpen ugari izan dira euskal gizarteko alor desberdinetatik. Abokatuak berme horri jarritako helegitearen zain dira orain. Horrez gain, NBEk ere Uriaren kasua aztertuko du: Ambeyi Ligabo Nazio Batuen Giza Eskubideen Batzordeko Adierazpen Askatasunaren Kontalariak Egunkariaren itxiera eta Otamendiren tortura salaketak aztertuko ditu.


Presoen ahotsa gatazkan

Gune zenbaitetan ezik, eguneroko informazioaren errealitatean gutxi agertzen da euskal preso politikoen eta haien inguruan bizi denaren berri. Gero eta handiagoa den kolektibo handi horrek, dena den, egoera berezi eta latza bizi du bere ohikotasunean. Botere banaketak eta gainerako teoriez gain, zuzenbide estatuaren neurgailuetakoa honek bere presoak nola zaintzen dituen moldean omen dago. Eta alde horretatik, Espainian zein Frantzian defizita erabat esanguratsua da. Presoen aldeko Nazioarteko Elkartasunezko Konferentziak euskal preso politikoen gaia hor dagoela erakutsi du, eguneroko jardun informatiboan gutxi agertzen bada ere, errealitate politikoa gogor baldintzatzen duena. Presoak ez dira gatazkaren ardatz, ondorio baizik, baina arazoaren ondorioa da gatazka politikoak ez duela irtenbiderik izango kolektibo honek irauten duen artean.


Euskara Europako Batasunari begira

Espainiako gobernuak jarri du hara begira duela gutxi. Zapateroren Gobernuaren proposamenak bi puntu zituen: batetik, Europako Batasuneko txosten ofizialak euskarara, katalanera eta galegora itzultzea eta bestetik, hizkuntza hauek darabiltzaten herritarrek EBrekiko harremana beren hizkuntzan izatea. Proposamenaren aurrean erreakzioak desberdinak izan dira. Frantziak Espainiako presidentearen proposamena ez du ontzat hartu eta Michel Barnier atzerri ministroak horrelako «gai zailak astintzeko ordua» ez dela adierazi du. Alemaniak bestelako iritzia plazaratu du eta Schröder-ek gaeliko irlandesak daukan moduko onarpena opa die euskarari, galegoari eta katalanari. Bestalde, Zapateroren bi puntuetatik lehenengoak soilik egin du aurrera eta Europako Batasunean testu ofizialak itzuli edo ez eztabaidatuko dute.


Euskal Lokuzioak Sarean

Joxan Elosegi, Josu Landa eta Koldo Izagirrek, Intza proiektuko hiru kideek, prestatu dute euskarazko lokuzioei buruzko web gunea. Sarean bildu dituzten 6.195 lokuzioek 1981eko liburu bat dute abiapuntu. Orduan, Koldo Izagirrek Euskal Lokuzioak izeneko bilduma argitaratu zuen eta material hori txukundu dute sarerako. Web gunearen helburu nagusia euskarazko lokuzio hauek edonork eskura izatea da. Erabiltzaileen iradokizunak, eta baita lokuzio berriak ere, helbide honetan jasoko dira: intzaarmiarma.com.


Oarsoaldean hilabetekaria

Maiatzaren azken asteburuan argitaratuko du Oiartzualdeko Hedabideak S.L.ek Oarsoaldean izeneko hilabetekaria.
Oiartzualdeko Hedabideak S.L enpresa osatzen dutenak hauek dira: Oarsoaldeko Lau Haizetara (Errenteria-Orereta), Orratx! (Lezo), Hitz Hots (Oiartzun) eta Abaraska eta Arnasa (Pasaia) euskara elkarteak, EKTko Bertako Hedabideak S.L. eta eskualdeko 51 gizarte eragile. Enpresa honek berak sortu zuen iazko ekainean Oarsoaldeko Hitza euskarazko egunkaria.


Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


AEBek Hamasi leporatu nahi diote su-etena ez adostearen errua

Hamasek akordio proposamenari egindako aldaketa batzuk “ez dira egingarriak”, AEBetako Estatu idazkariaren arabera. Israelek ere ez du ofizialki onartu proposamena, baina AEBek Hamas aurkezten dute oztopo bakar gisa.


Eguneraketa berriak daude