Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
larunbata 2024ko maiatzaren 04an
Bero-beroan
Nafarroako Legebiltzarraren 25. urteurrena
Nafarroako Legebiltzarraren 25. urteurrena pareten arteko ekitaldi instituzional huts batekin iragan da, proiekzio publiko eta herritarrari dagokionez bederen. Oroimenik eskasena, ordea, zera da: bere sortzea ekarri zuen Foru Hobekuntza oraindik ere herritarrek erreferendumez bozkatu gabeko bakarra dela Espainiako estatuan.
Jon Salaberriaren aurkako balizko operazioa
Jon Salaberria SAko parlamentarioaren aurkako operazio polizial-judiziala etor daitekela salatu du SAko taldeak. Alfontso Martinez Lizarduikoaren atxiloketa operazio horrekin lotu dute ezker abertzaleko parlamentarioek. Aldi berean, Xabier Arzalluzek gogor kritikatu du iritzi artikulu batean Baltasar Garzonek auzi honegatik daraman politika, eta Javier Ruperez AUBetako Espainiako egungo enbaxadorearen bahiketaren diru ordaina UCDko gobernuak egin zuela azpimarratu du.
Gernikako bonbaketaren aitortza ofiziala
Alor historikotik begiratuta ezaguna da 1937ko apirilaren 26an Alemaniako armadako hegazkinek txikitu zutela Gernika, Francoren aginduz. Duela zazpi urte onartu zuen hori Alemaniak ofizialki. Harrigarria bada ere, Espainiak oraindik ez du horrelakorik onartu eta guztientzat nor izan zen eta ‘gorriak’ ez zirela izan argi badago ere, oraindik Espainiako erakundeek ez dute halakorik ofizialki onartu. Gernikako bonbaketaren 67. urteurrena pasatu berri da eta 68.erako aitortza hori entzun nahiko lukete gernikarrek.
Giro nahasia UPN eta PPn
Espainiako hauteskundeen galerak giro nahasia sortu du Hegoaldeko eskuin espainiarraren bi adarretan. Jaime Mayor Orejak berriz alde egin ondoren, Genovak Loyola de Palacio nahi du EAEko popularren buruzagi eta lehendakarigai eta oraingoz arabarren laguntza badu. Bizkaitarrak protestan dira eta oso bitxia egin da buruzagi batzuen arteko dialektika, bizkaitarrei «nazionalistak bezala aritzea» egotziz. Nafarroan ere, aspaldikoz, Miguel Sanz UPNko buruzagi nagusiak egindako proposamena atzera bota du UPNren kontseilu politikoak. Sanzek Santiago Cervera proposatu zuen Europako UPNko hautagai gisa (PPren zerrendan hautaketa segurua da) eta UPNko zuzendaritzak onartu ondoren, kontseilu politikoak atzera bota zuen.
Opus Deiren web gunea euskaraz
www.opusdei.com helbidera sartuz gero, Opus Deiren web gune ofiziala bisitatuko duzue. Erakundetik heldu zaigun informazioaren arabera ordea, euskarazko web gunea ere badute. www.euskara.opusdei.org helbidean San Josemariaren lan batzuk euskaraz irakur daitezke, adibidez. Bestalde, Opus Deiri buruzko zalantzak argitzeko eta otoitza euskaraz egiteko gonbitea luzatzen digute.
Zazpi sindikatuk bat egin dute Kontseiluaren ekimenarekin
Apirilaren hasieran ELA eta LAB sindikatuek euskararen normalizaziorako prestatutako kanpainaren berri eman genizuen orri honetan. Orain berriz, bi ez ezik zazpi sindikatuk bat egin dute Kontseiluaren Hizkuntza eskubideak, denon konpromisoa ekimenarekin. ELA, LAB, Hiru, ESK, CCOO, EILAS eta EHNE dira zazpi sindikatuok eta euskararen normalizazio planak abian jartzeko konpromisoa eskatu diete enpresaburuei zein langileei. Xabier Mendiguren Kontseiluko idazkari nagusiak nabarmendu duenez, lan esparrua garrantzitsua da euskararentzat, «gure bizitzaren zati handi bat lanean egiten dugulako».
Errefuxiatuak aldizkaria euskaraz
Nazio Batuek errefuxiatuentzako duten agentziak, ACNURek, Genevan argitaratzen du bere aldizkaria. Hainbat hizkuntzatara itzuli eta mundu osoan banatzen dute. Bi urtez finantziazioa lortzen ibili ondoren Eusko Jaurlaritzaren, Bizkaiko Foru Aldundiaren eta Gasteizko Udalaren diru laguntza jaso dute eta aldizkariaren bi ale aterako dituzte urtean, euskara hutsean. Gainera, Euskal Herriari buruzko atal berezia izango du. Larraitz Altuna arduradunaren hitzetan, oraingoz urtean bi ale aterako dituzte, baina asmoa lau ateratzea da, ACNURen gainerako aldizkariak hiruhilabetekariak baitira. 2.500eko tirada egin dute lehen alean, eta zortzi orrialdetatik hamabira igarotzeko itxaropena dute.
10 oren euskaraz Donibane- Lohizunen
Joan den larunbateko arratsaldeak hartu zituen hamar oren horiek Donibane-Lohizuneko kaleetan. Ordu horiek euskaraz betetzeko eta erdaldunak hara gerturatzeko hainbat ekitaldi eta denbora-pasa prestatu zituzten antolatzaileek. Haurrentzako jolasak, liburuak salgai, antzerkia, musika... Antolatzaileen asmoa, batetik, euskara kalera ateratzea zen eta, bestetik, «gizarte presioa» eragitea. Donibane-Lohizuneko Herriko Etxeak ez du oraindik izenpetu Herriko Etxeetan euskaraz hitzarmena.
Europarako aliantzak lehiarako prest
Ekainaren 13an izango diren Europako Legebiltzarrerako aliantzak prest dira jada, aliantzak diren kasuetan behintzat. Iragarri bezala, EAJ, CiU eta BNGrekin aurkeztu da eta EAJko Josu Ortuondo izango da Galeusca zerrenda honetako bigarrena. EAk ERC eta Chunta Aragonesarekin osatu du aliantza. Aralarrek EAJren eskaintza izan du Galeuscan parte hartzeko, baina azkenean bakarrik aurkeztea erabaki du. ERCren blokean joatea begi onez ikusten zuen Aralarrek, baina EAk halakorik ez zuela nahi diote Aralarretik. Herritarren Zerrendak ere sinadura bilketari ekin dio jada Euskal Herri osoa ordezkatuko lukeen ezker abertzaleko zerrenda osatzeko. 40.000 sinadura bildu beharko ditu, Espainiako legeek eskatzen duten arabera; Frantzian ez dago sinaduren beharrik, baina Herritarren Zerrendak berdin bilduko ditu sinadurak.
Irakurrienak
Matomo erabiliz
#1
Xabier Letona Biteri
#3
Arkaitz Zarraga Azumendi
#5
#6
Nagore Zaldua
|
Eneko B. Otamendi
Azkenak
2024-05-06
Nagore Zaldua
Arrosarioa, sexu-estrategia aurrerakoiaren adierazle
Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]
2024-05-06
Jakoba Errekondo
Intsusa lore edariak
Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.
2024-05-06
Garazi Zabaleta
Erlauntzako airea arnastearen onurak
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
2024-05-05
Jenofa Berhokoirigoin
Adimen artifizialaren esku utzi du palestinarren hilketa Israelek
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
Eguneraketa berriak daude