Sua eten
Morboa
Su-etenaz adierazpenik ñimiñoena eginda ere, berehala aztoratzen dira bazterrak. Nahikoa izan zen abenduan talde batek su-etena aldarrikatzea jendaurrean, gutariko bakoitzak galdera zaparrada jasotzeko bere inguruan. Gaia izanik su-etena, jendea hasi zen makinatzen zer nolako sukalde lana ote zebilen ezkutuan, pulpitutik esan zena esateko.
Niri dagokidanez, Andoaingo agerraldira bildu nintzen adierazpenak eta pertsonak erakarrita, baina ez dakit ezer ezkutuko lanez. Badenik ere ez. Beraz, ondoko hausnarketa ez dago lotua inongo prozesu sekreturi, eta ez luke eragin behar morborik.
Fakturak
Andoaingook ETAri su-etena eskatzen diogu eraginkorragoak izan gaitezen, aurrera egiteko orduan. Horretan etorri gara espresuki bat aldarria sinatu dugunok. Bakoitzak izango du bere juzkua borroka armatuaz, baina ez da oraingo lehentasuna hori argitzea. Garrantzitsuago da gu guztiok pentsatzea eta esatea hobesten dugula borroka armaturik gabeko egoera elkarlanerako.
Uste dut jarrera horretara bil daitekeela jende asko. Eta, aldiz, antzua deritzot gaitzespen bila ibiltzeari. Besteak beste, denboran zehar aldatu egin delako borroka armatuaren balorazioa: Miguel Angel Blancorena gaitzetsi zuten guztiek ez zuten berdin kondenatu bere garaian Carrerorena. Hortaz, non jarri kondenarako mugarria? Bestalde, ez da ETAren borroka armatua gaitzespena mereziko lukeen jarduera bakarra. GAL edo presoen sakabanaketa ez dira preziso eredugarriak etikaren aldetik, bi adibide besterik ez aipatzearren. Antzua litzateke horien kondena exijitzea ezertan hasteko.
Faktura asko dago ordaintzeko gatazkaren alde guztietan, eta bakoitzak berea kobratu nahi badu beste ezer baino lehen ez gara inora iritsiko elkarrekin. Hobe dugu fakturak kajoian gorde eta adiskidetzen hastea. Egoera aproposagoak etorriko dira fakturak trukatzeko eta zorrak kitatzeko.
Kapitulazioak
Bistan da zenbateraino pozoitzen duen jarduera politikoa borroka armatuaren kontuak. Berez alderdien artean zatiketa sortzen du, baina ez da arazo makalagoa gaiaz egiten den erabilpen intentzioz betea. Joko hori dela-eta, irteerarik gabeko bidean daude sartuta hainbat kontu potolo, inork ez duelako nahi zalantzan gera dadin bere jarrera gai honetan.
Ibarretxek sekulako hipoteka hartu zuen eza eman zienean Batasunaren botoei ETAren jarduera kondenatzen ez zuen bitartean. Bere irudi politikoa jantzi zuen konpromiso etikoz, baina garesti ari gara ordaintzen guztiok lehendakariaren santutasuna. Unibertsitate Legearekin gertatu dena ez da txantxetakoa izan.
Eta Batasuna ohiak iragarri du alderdiek ondo egiten badituzte etxeko lanak jasoko dutela saria gero, ETAk ez duela bere horretan iraungo. Falta zaie esatea beraiek nahi dutela ETA geldirik egotea, horrek erraztu egingo lituzkeelako etxeko lanak. Normala da eguraldiari begira egotea, ezin zaiolako eragin, baina ortuan erein egin behar da, gero ezer jasoko bada. Hobe luke Batasuna ohiak meteorologia gutxiago, eta nekazaritza gehiago.
Esanak esan, bi jarrerak ezkongarriak dira, beti ere biak egon ezkero prest amore emateko. Ezkon tratuaren oinarri litzateke elkarrekin su-etena eskatzea. Alderdiak has daitezela nobio promesa horrekin, eta gauzak aurrera badoaz sartuko dute eskaera ezkontzako kapitulazioetan.
Gurdia
Gurdia astundu egin zaigu gaizki egindakoen zamarekin. Haatik, ezin diogu jare egin etsita, mugitu beharrean gaude. Idiak uztartzen badira, tiratuko dute aurretik, baina kostako zaie gurdia eramatea atzekoon bultzada barik. Eskatu zuk ere su-etena.
Astelehenean jakinaraziko dituzte ordutegiak, eta hilaren 14an, igandean, jarriko dituzte salgai lehen egunetako sarrerak. 254 film egongo dira ikusgai, 56 herrialdetakoak.
Emmanuel Macron Frantziako lehendakariak adierazi du 26 herrialde prest direla gerra amaitu ondoren Ukrainan indar militarra zabaltzeko, “lurrez, airez edo itsasoz” parte hartuz. Vladimir Putin buruzagi errusiarrak erantzun die ez duela horrelakorik onartuko, ez... [+]
Caddo hizkuntza gorde eta biziberritzeko ahaleginean ari den ekintzailea da Alaina Tahlate. AEBetako jatorrizko caddo herriko hizkuntza hori jario oneko hiztun bakarrarekin gelditua zen: Edmond Johnson, 95 urteko hiztunarekin. Tahlate gazteak aitortu zion estutasunez bizi zuela... [+]
Izpegiko besten hirugarren edizioa ospatuko dute, Basaizea Baigorriko kultur elkarteak, Baztango Gazte Asanbladak eta Baigorriko zein Erratzuko gazteek elkarlanean prestaturik. Hitzaldiak, bazkaria, ibilaldia, kontzertuak... izanen dute zeregina.
Osasuna futbol taldeak bat egin du Nafarroako Abiadura Handiaren aldeko plataformarekin, azken honek ostegun honetan jakinarazi duenez. UGT sindikatuak eta Eraikuntzaren Industrializatzearen Aldeko Nafarroako Klusterrak ere bai.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Ikasleek pantailekin duten harremana aztertu eta "Heziketa digitala LH eta DBH" izeneko txostenean jaso dituzte ondorioak Macsonrisas-eko kideek.
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Emakumeak dantzara atera eta gizonezko dantzariek oztopatu egin dituzte, bultza egin diete eta haien dantza eragozten saiatu dira. Beste batzuetan musikariak geldiarazi dituzte eta ikusleetako batzuk bizkarra eman diete emakume dantzariei. Ez da Baztan, ez Hondarribia edo Irun;... [+]
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Donostiako epaitegi batek aurretik emandako epaia berretsi du EAEko Justizia Auzitegi Nagusiak. ELAk eta LABek mobilizazioa antolatu dute ostiralerako, eta Euskalgintzaren Kontseiluak bat egin du.